September 14, 2023
September 14, 2023
ദോഹ: ഇറ്റലിയുടെ പ്രമുഖ ഫുട്ബോൾ താരമായ മാർകോ വെറാറ്റി ഖത്തറിലെ അൽ അറബി ക്ലബ്ബിൽ ചേർന്നതായി അധികൃതർ പ്രഖ്യാപിച്ചു. പാരിസ് സെന്റ് ജെർമെയ്നിൽ (പി.എസ്.ജി) നിന്നാണ് അൽ അറബിയിലേക്ക് താരം എത്തുന്നത്. ദോഹയിലെ അസ്പെറ്റാർ ആശുപത്രിയിൽ താരത്തെ വൈദ്യപരിശോധനക്കു വിധേയമാക്കിയതായും അധികൃതർ അറിയിച്ചു. മെഡിക്കൽ പരിശോധനക്കു പിന്നാലെ താരം ക്ലബുമായുള്ള കരാറിൽ ഒപ്പുവെക്കും.
30 കാരനായ മിഡ്ഫീൽഡറുമായി മൂന്ന് വർഷത്തെ കരാർ ഒപ്പിട്ടതായി ക്ലബ് അറിയിച്ചു. എക്സ്പോ സ്റ്റാർസ് ലീഗിന്റെ (ഇഎസ്എൽ) അടുത്ത റൗണ്ടിൽ താരം മത്സരിക്കുമെന്നാണ് പ്രതീക്ഷിക്കുന്നത്.
2012 മുതൽ മാർക്കോ പി.എസ്.ജിയുടെ മിഡ്ഫീൽഡറായിരുന്നു. അൽ അറബിയിലെ സെനഗാളിലെ അബ്ദോ ദിയാലോ, ബ്രസീലിയൻ മിഡ്ഫീൽഡർ റാഫിഞ്ഞ അൽകന്റാര, സിറിയൻ സ്ട്രൈക്കറായ ഉമർ അൽ സൗമ, തുനീഷ്യയുടെ യൂസഫ് മസാകിനി എന്നിവർക്കൊപ്പമായിരിക്കും താരം കളിക്കുന്നത്. ഏകദേശം 50 ദശലക്ഷം യൂറോക്കാണ് ഇറ്റാലിയൻ താരം അൽ-അറബിയിൽ എത്തുന്നത്.
ബ്രസീൽ താരം ഫിലിപ് കുടീന്യോയെ അൽ ദുഹൈൽ ക്ലബ് സ്വന്തമാക്കിയതിനു പിന്നാലെയാണ് മാർക്കോയെ അൽ അറബി സ്വന്തമാക്കുന്നത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G