July 31, 2023
July 31, 2023
ന്യൂസ്‌റൂം ബ്യൂറോ
റിയാദ്: പ്രവാസി മലയാളിയെ സൗദി അറേബ്യയില്‍ മരിച്ച നിലയിൽ കണ്ടെത്തി. കോഴിക്കോട് തച്ചംപൊയിൽ വാടിക്കൽ സ്വദേശിയായ അബ്ദുൽ റഷീദ് (41) ആണ് ദമ്മാമിൽ മരിച്ചത്. 12 ദിവസങ്ങൾക്ക് മുൻപാണ് ഹൗസ് ഡ്രൈവറായി പുതിയ വിസയിൽ ഇയാൾ ദമ്മാമിലെത്തിയത്. മൂന്നു ദിവസത്തിലധികമായി ഇദ്ദേഹത്തെ കുറിച്ച് ഒരു വിവരവും ലഭിക്കാത്തതിനാൽ റഷീദിന്റെ ഭാര്യ സ്പോൺസറെ ബന്ധപ്പെടുകയായിരുന്നു.
തുടർന്ന് അദ്ദേഹത്തിന്റെ റൂം തുറന്നു നോക്കിയപ്പോൾ മരിച്ചു കിടക്കുന്നതായാണ് കണ്ടത്. ഹൃദയ സ്തംഭനമാണ് മരണ കാരണമെന്നാണ് റിപ്പോർട്ട് . മൃതദേഹം ദമാമിൽ തന്നെ മറവ് ചെയ്യുന്നതിനുള്ള നടപടി ക്രമങ്ങൾ കെഎംസിസി ജീവകാരുണ്യ വിഭാഗം വഴി പുരോഗമിക്കുകയാണ്. ഭാര്യ സഈദ. മക്കൾ: ഹാദിൽ മുബാറക് (ദുബൈ മദീന സൂപ്പർ മാർക്കറ്റ് ) ഷാമിൽ മുബാറക്, സിയാജബിൻ.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
