November 28, 2023
November 28, 2023
മസ്‌കത്ത് : സൗദിയില്‍ നിന്ന് നാട്ടിലേക്ക് മടങ്ങുന്നതിനിടെ കോഴിക്കോട് സ്വദേശി മരിച്ചു. കോഴിക്കോട് വടകര അഴീക്കല്‍ കുന്നുമ്മല്‍ ഷര്‍മിന (39) ആണ് മരിച്ചത്. ഹൃദയാഘാതമാണ് മരണ കാരണം. ഉംറ നിര്‍വഹിച്ച ശേഷം ജിദ്ദയില്‍ നിന്ന് ഒമാന്‍ എയറില്‍ മസ്‌കത്ത് വഴി നാട്ടിലേക്ക് തിരിക്കുന്നതിനിടെയാണ് മരണം സംഭവിച്ചത്.
ജിദ്ദയില്‍ നിന്ന് യാത്ര ആരംഭിച്ച ശേഷം ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് വിമാനം മസ്‌കത്തില്‍ അടിയന്തിരമായി ഇറക്കുകയായിരുന്നു. പത്തു വയസ്സുള്ള മൂത്ത മകന്‍ മുഹമ്മദിനൊപ്പമായിരുന്നു ഷര്‍മിന നാട്ടിലേക്ക് തിരിച്ചത്. മസ്‌കത്ത് വിമാനത്താവളത്തില്‍ ഇറങ്ങിയ ഉടന്‍ ഡോക്ടര്‍ നടത്തിയ പരിശോധനയിലാണ് മരണം സ്ഥിരീകരിച്ചത്. കൊള്ളോച്ചി മായിന്‍കുട്ടി-ശരീഫ ദമ്പതികളുടെ മകളാണ്. ഭര്‍ത്താവ്: റയീസ് വലിയ പറമ്പത്ത്. മറ്റു മക്കള്‍: ഖദീജ, ആയിശ. ഒമാനിലെ മസ്‌കത്ത് വിമാനത്താവളത്തിലുള്ള മൃതദേഹം നിയമനടപടികള്‍ക്കു ശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
