November 28, 2023
November 28, 2023
തെൽ അവീവ് - എക്‌സ്‌പോ 2030 ലോക മേളക്ക് ആതിഥേയത്വം വഹിക്കാനുള്ള സൗദി അറേബ്യയുടെ ശ്രമത്തിനുള്ള പിന്തുണ പിന്‍വലിക്കാന്‍ ഇസ്രായേല്‍ തീരുമാനിച്ചതായി റിപ്പോർട്ട്. കാന്‍ പബ്ലിക് ബ്രോഡ്കാസ്റ്ററാണ് ഈ കാര്യം റിപ്പോര്‍ട്ട് ചെയ്‌തത്‌. ഗസയിൽ ഇസ്രയേൽ നടത്തുന്ന ആക്രമണത്തിനെതിരെ സൗദി തുടരുന്ന രൂക്ഷമായ വിമര്‍ശനങ്ങള്‍ക്കിടയിലാണ് ഈ തീരുമാനം. സൗദിയുമായി നയതന്ത്ര ബന്ധം സ്ഥാപിക്കാന്‍ ഇസ്രായേല്‍ ശ്രമം തുടങ്ങിയ കഴിഞ്ഞ വര്‍ഷം എക്‌സ്‌പോ 2030ന് സൗദി അറേബ്യയെ പിന്തുണക്കുമെന്ന് ഇസ്രായില്‍ നേരത്തെ വ്യക്തമാക്കിയിരുന്നു.
എന്നാല്‍ ഗസയിലെ ഇസ്രായേല്‍ ആക്രമണത്തെ രൂക്ഷമായി വിമര്‍ശിച്ച് സൗദിയും അറബ് ലോകത്തോടൊപ്പം ചേര്‍ന്നു. എക്‌സ്‌പോ 2030 ന് സൗദിയെ പിന്തുണയ്ക്കുന്നതിന് പകരം ഇറ്റലിയുടെ ശ്രമത്തെ പിന്തുണക്കാനാണ് ഇസ്രായേൽ തീരുമാനിച്ചിരിക്കുന്നതെന്ന് കാന്‍ റിപ്പോര്‍ട്ട് ചെയ്തു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
