January 10, 2024
January 10, 2024
ദോഹ: എഎഫ്‌സി ഏഷ്യൻ കപ്പ് ഖത്തർ ടൂർണമെന്റിന്റെ ഉദ്ഘാടന ചടങ്ങിൽ പ്രത്യേക സർപ്രൈസ് കാത്തിരിക്കുന്നുണ്ടെന്ന് പ്രാദേശിക സംഘാടക സമിതി ഭാരവാഹികൾ അറിയിച്ചു. എഎഫ്‌സി ഏഷ്യൻ കപ്പ് ലോക്കൽ ഓർഗനൈസിംഗ് കമ്മിറ്റി മാർക്കറ്റിംഗ് ആൻഡ് കമ്മ്യൂണിക്കേഷൻസ് എക്‌സിക്യൂട്ടീവ് ഡയറക്ടർ ഹസൻ റബീയ അൽ കുവാരി ഇന്ന് (ബുധൻ) നടത്തിയ പത്രസമ്മേളനത്തിലാണ് ഇക്കാര്യം വ്യക്തമാക്കിയത്.
"ടൂർണമെന്റിന്റെ ഉദ്ഘാടന ചടങ്ങ് എല്ലാവരെയും അത്ഭുതപ്പെടുത്തും. ആരാധകർക്കായി പ്രത്യേക പരിപാടികൾ സംഘടിപ്പിക്കും," - ഹസൻ റബീയ പറഞ്ഞു.
ജനുവരി 12ന് (വെള്ളിയാഴ്ച) വൈകുന്നേരം 5 മണിക്ക് ലുസൈൽ സ്റ്റേഡിയത്തിലാണ് ഉദ്ഘാടന ചടങ്ങ് ആരംഭിക്കുക. തുടർന്ന് വൈകിട്ട് 7 മണിക്ക് നടക്കുന്ന ഉദ്ഘാടന മത്സരത്തിൽ ഖത്തർ ലെബനനെതിരെ മത്സരിക്കും. ഉദ്ഘാടന മത്സരത്തിന് അഞ്ച് മണിക്കൂർ മുമ്പ് തന്നെ ലുസൈൽ സ്റ്റേഡിയത്തിന്റെ ഗേറ്റ് തുറക്കുമെന്നും സംഘാടകർ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
