January 06, 2024
January 06, 2024
ഡല്‍ഹി: അറബിക്കടലില്‍ സൊമാലിയന്‍ തീരത്ത് കടല്‍ക്കൊള്ളക്കാര്‍ തട്ടിയെടുത്ത ചരക്കു കപ്പല്‍ ഇന്ത്യന്‍ നാവികസേന മോചിപ്പിച്ചു. ലൈബീരിയന്‍ പതാകയുള്ള എംവി ലില നോര്‍ഫോക്ക് എന്ന കൂറ്റന്‍ ചരക്കുകപ്പലാണ് നാവികസേന മോചിപ്പിച്ചത്. കപ്പലിലെ 15 ഇന്ത്യക്കാരടക്കമുള്ള 21 പേരെയും രക്ഷപ്പെടുത്തി. അതേസമയം കപ്പലിലുണ്ടായിരുന്ന കൊള്ളക്കാര്‍ രക്ഷപ്പെട്ടതായും കപ്പലിലുള്ളവര്‍ സുരക്ഷിതരാണെന്നും ഇന്ത്യന്‍ നാവികസേന അറിയിച്ചു.
നാവികസേനയുടെ യുദ്ധക്കപ്പലായ ഐഎന്‍എസ് ചെന്നൈയും നാവികസേനയുടെ മാര്‍കോസ് കമാന്‍ഡോകളുമാണ് ഓപ്പറേഷന്‍ നടത്തിയത്. ഇന്നലെ വൈകിട്ടാണ് ആയുധധാരികളായ ആറംഗ സംഘം ചരക്കു കപ്പല്‍ റാഞ്ചിയതായി നാവികസേനയ്ക്ക് വിവരം ലഭിക്കുന്നത്. പിന്നാലെ നിരീക്ഷണ വിമാനത്തിലൂടെ കപ്പലിന് മുകളിലൂടെ പറന്ന് സ്ഥിതിഗതികള്‍ വിലയിരുത്തിയ ശേഷം രക്ഷാദൗത്യം ആരംഭിക്കുകയായിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
