December 26, 2023
December 26, 2023
റിയാദ്: 2024ലെ ഹജ്ജ് തീര്‍ത്ഥാടനത്തില്‍ പങ്കെടുക്കാന്‍ ആഗ്രഹിക്കുന്ന വിദേശ തീര്‍ത്ഥാടകര്‍ക്കുള്ള രജിസ്‌ട്രേഷന്‍ നടപടികള്‍ ഔദ്യോഗികമായി ആരംഭിച്ചതായി സൗദി അറേബ്യ അറിയിച്ചു. ഹജ്ജ്, ഉംറ മന്ത്രാലയത്തിന്റെ നുസുക് പ്ലാറ്റ്‌ഫോമിലൂടെയാണ് രജിസ്‌ട്രേഷന്‍. എല്ലാ രാജ്യങ്ങളില്‍ നിന്നുള്ള സന്ദര്‍ശകര്‍ക്കും അപേക്ഷിക്കാന്‍ കഴിയും. രജിസ്‌ട്രേഷനുള്ള വിശദവിവരങ്ങള്‍ hajj.nusuk.sa എന്ന വെബ്‌സൈറ്റില്‍ ലഭ്യമാണ്.
തീര്‍ത്ഥാടകര്‍ക്ക് തടസ്സമില്ലാത്ത യാത്ര ഉറപ്പാക്കുന്നതിനായി അംഗീകൃത സേവന ദാതാക്കളുടെ പാക്കേജുകള്‍ നുസുക് പ്ലാറ്റ്‌ഫോമിലൂട ലഭിക്കും. വെബ്‌സൈറ്റില്‍ ഇമെയില്‍ വിലാസം നല്‍കി വ്യക്തിഗത അക്കൗണ്ട് സൃഷ്ടിച്ചാണ് രജിസ്ട്രര്‍ ചെയ്യേണ്ടത്. തുടര്‍ന്ന് ലഭിക്കുന്ന പട്ടികയില്‍ നിന്ന,് ഹജ്ജിന് പുറപ്പെടുന്ന രാജ്യം തെരഞ്ഞെടുക്കണം. 2024ല്‍ ഹാജിമാരെത്തുന്ന മുഴുവന്‍ രാജ്യങ്ങളുടേയും പട്ടിക വെബ്‌സൈറ്റില്‍ നല്‍കിയിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
