January 25, 2024
January 25, 2024
ഷാര്‍ജ: ഷാര്‍ജയിലെ അപ്പാര്‍ട്ട്‌മെന്റില്‍ ഉണ്ടായ തീപിടിത്തത്തില്‍ പാകിസ്ഥാന്‍ സ്വദേശികളായ അച്ഛനും മകളും മരിച്ചു. ശ്വാസം മുട്ടിയാണ് പാകിസ്ഥാന്‍ പൗരനും പതിനൊന്ന് വയസ്സുള്ള മകളും മരണപ്പെട്ടതെന്ന് അധികൃതര്‍ സ്ഥിരീകരിച്ചു. അപകടത്തില്‍ ഗുരുതരമായി പരിക്കേറ്റ ഭാര്യയെ അല്‍ ഖാസിമി ആശുപത്രിയില്‍ അത്യാഹിത വിഭാഗത്തില്‍ പ്രവേശിപ്പിച്ചു. വീട്ടിലുണ്ടായിരുന്ന ഇവരുടെ ഒന്‍പത്, അഞ്ച് വയസ്സുള്ള മറ്റ് രണ്ട് കുട്ടികളേയും ശ്വാസം മുട്ടലിനെ തുടര്‍ന്ന് ആശുപത്രിയിലേക്ക് മാറ്റി. കുട്ടികള്‍ സുഖം പ്രാപിക്കുന്നതായാണ് വിവരം.
മുവൈലെ പ്രദേശത്തെ മൂന്നാം നിലയിലുള്ള അപ്പാര്‍ട്ട്‌മെന്റില്‍ ഇന്ന് പുലര്‍ച്ചെ 2.08നായിരുന്നു തീപിടിത്തമെന്ന് ഷാര്‍ജ സിവില്‍ ഡിഫന്‍സ് ഡയറക്ടര്‍ ജനറല്‍ ബ്രിഗേഡിയര്‍ സമി ഖമീസ് അല്‍ നഖ്ബി ഗള്‍ഫ് ന്യൂസിനോട് പറഞ്ഞു. തീപിടിത്തത്തിന് പിന്നാലെ പുക കെട്ടിടത്തിലേക്ക് മുഴുവന്‍ വ്യാപിച്ചു. തുടര്‍ന്ന് കെട്ടിടത്തിലെ മറ്റ് താമസക്കാരെ ഉടന്‍ ഒഴിപ്പിച്ചെന്നും അദ്ദേഹം വ്യക്തമാക്കി. ഫോറന്‍സിക് സംഘം സ്ഥലത്ത് എത്തി പരിശോധന നടത്തി. അതേസമയം അപകട കാരണം വ്യക്തമല്ല.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
