January 03, 2024
January 03, 2024
റിയാദ്: റിയാദിൽ കെമിക്കൽ കമ്പനിയിലുണ്ടായ തീപിടുത്തതിൽ രണ്ടു പേർ തൽക്ഷണം മരിച്ചു.സൗദി കെമിക്കല്‍ കമ്പനിയുടെ റിയാദിലെ ഫാക്ടറിയിലാണ് ചൊവ്വാഴ്ച പുലർച്ചെ അപകടമുണ്ടായത്. നാല് പേര്‍ക്ക് പരിക്കേറ്റു.
അത്ശാനയിലെ ഫാക്ടറിയില്‍ പ്രൊഡക്ഷൻ ലൈനിലെ റിയാക്ടറിലാണ് അപകടം സംഭവിച്ചെതന്ന് കമ്പനി അധികൃതര്‍ അറിയിച്ചു.
നാശനഷ്ടങ്ങളുടെ പ്രാഥമിക വിലയിരുത്തലുകള്‍ നടത്തി. ഒരു കോടി റിയാലിന്റെ നഷ്ടമുണ്ടായതായാണ് കണക്കാക്കുന്നതെന്ന് കെമിക്കല്‍ കമ്പനിയെ ഉദ്ധരിച്ച്‌ 'സൗദി തദാവുല്‍' റിപ്പോര്‍ട്ട് ചെയ്തു.
ബന്ധപ്പെട്ട സുരക്ഷാ വകുപ്പുകള്‍ ഇടപെട്ടിട്ടുണ്ട്. അന്വേഷണം ആരംഭിച്ചു. കേടുപാടുകള്‍ തീര്‍ക്കാനും പ്രവര്‍ത്തനം പുനഃസ്ഥാപിക്കാനുമുള്ള നീക്കം നടന്നുകൊണ്ടിരിക്കുകയാണ്. കൂടുതല്‍ വിവരങ്ങള്‍ പിന്നീട് അറിയിക്കുമെന്ന് കമ്പനി പറഞ്ഞു. മരിച്ചവരും പരിക്കേറ്റവരും ഏത് രാജ്യക്കാരാണെന്ന വിവരങ്ങള്‍ ഇതുവരെ ലഭ്യമായിട്ടില്ല.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
