November 20, 2023
November 20, 2023
യുഎഇ: ദുബായില്‍ ഇനിമുതല്‍ വീടുകളില്‍ ഭക്ഷണം പാഴാക്കിയാല്‍ കനത്ത പിഴ ഈടാക്കാനുള്ള നിയമം പരിഗണനയില്‍. ഭക്ഷണം കൈകാര്യം ചെയ്യുന്നതിലെ ഉത്തരവാദിത്വം പ്രോല്‍സാഹിപ്പിക്കുന്നത് ലക്ഷ്യമിട്ടാണ് നടപടി. പാഴാക്കുന്ന ഭക്ഷണത്തിന്റെ അളവിനനുസരിച്ച് പിഴ ഈടാക്കാനാണ് തീരുമാനമെന്ന് ഫുഡ് ലോസ് ആന്റ് വേസ്റ്റ് സംരംഭമായ ' നിഅ്മ ' സെക്രട്ടറി ജനറല്‍ ഖുലൂദ് ഹസന്‍ അല്‍ നുവൈസ് പറഞ്ഞു. പിഴ ഈടാക്കിയാല്‍ മാത്രമേ ഭക്ഷണം പാഴാക്കുന്നതിനെക്കുറിച്ച് ബോധവാന്മാരാകൂവെന്നും നുവൈസ് കൂട്ടിച്ചേര്‍ത്തു.
ദുബായില്‍ പ്രതിവര്‍ഷം ഏകദേശം 600 കോടി ദിര്‍ഹമിന്റെ ഭക്ഷ്യവസ്തുക്കള്‍ പാഴാക്കപ്പെടുന്നതായാണ് കണക്ക്. വിതരണ ശൃംഖലയിലുടനീളം ഭക്ഷ്യവസ്തുക്കളുടെ നഷ്ടവും പാഴാക്കലും കുറയ്ക്കാന്‍ ലക്ഷ്യമിട്ടാണ് 2020ല്‍ സര്‍ക്കാര്‍ ഏജന്‍സികള്‍, സ്വകാര്യ നേഖലകള്‍, സര്‍ക്കാര്‍- ഇതര സംഘടനകള്‍, വിവിധ സാമൂഹിക കൂട്ടായ്മകള്‍ എന്നിവയുടെ സഹകരണത്തോടെ 'നിഅ്മ' സംരംഭത്തിന് തുടക്കമിട്ടത്. 2023ഓടെ ദേശീയ തലത്തില്‍ പാഴാക്കപ്പെടുന്ന ഭക്ഷ്യവസ്തുക്കളുടെ അളവ് അന്‍പത് ശതമാനം കുറയ്ക്കുകയായിരുന്നു ലക്ഷ്യം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
