March 27, 2024
March 27, 2024
ദോഹ: ഖത്തറിലെ എക്സ്ചേഞ്ച് സ്ഥാപനങ്ങള് രാജ്യാന്തര പണമിടപാടുകള്ക്കുള്ള ഫീസ് നിരക്ക് ഉയര്ത്തി. ഓരോ ഇടപാടുകള്ക്കും ഫീസ് നിരക്കില് അഞ്ച് ഖത്തര് റിയാലാണ് അധികമായി വര്ധിപ്പിച്ചത്. നേരത്തെ 15 റിയാലായിരുന്നു ഫീസ് നിരക്ക്. ഇനിമുതല് ഓരോ ഇടപാടിനും 20 റിയാല് ഫീസ് ഈടാക്കും.
ഇന്ത്യ, ബംഗ്ലാദേശ്, പാകിസ്ഥാന്, ഫിലിപ്പീന്സ്, ശ്രീലങ്ക തുടങ്ങിയ ഏഷ്യന് രാജ്യങ്ങളിലേക്കുള്ള നിരക്കുകളാണ് വര്ധിപ്പിച്ചത്. നേരിട്ട് എക്സ്ചേഞ്ച് ഹൗസുകളില് എത്തിയുള്ള ഇടപാടുകള്ക്കും ഓണ്ലൈന് വഴിയുള്ള ഇടപാടുകള്ക്കും പുതിയ നിരക്ക് ബാധകമാണ്.
അതേസമയം യൂറോപ്യന് രാജ്യങ്ങളിലെ ഫീസ് നിരക്കുകള് ഉല്പ്പന്നങ്ങള്ക്കും സേവനങ്ങള്ക്കും അനുസൃതമായി വ്യത്യാസപ്പെടുമെന്ന് പ്രദേശിക പണമിടപാട് സ്ഥാപനത്തിലെ ഉദ്യോഗസ്ഥന് വ്യക്തമാക്കി. പ്രാദേശിക എക്സ്ചേഞ്ച് കമ്പനികളുടെ അംഗീകാരത്തോടെയാണ് നിരക്കുകള് വര്ധിപ്പിച്ചതെന്നും അദ്ദേഹം പറഞ്ഞു. കമ്പനികളുടെ ചെലവുകള് ഉയരുന്നതിന്റെ ഭാഗമായാണ് ഫീസ് നിരക്കുകള് ഉയര്ത്തിയതെന്നാണ് വിവരം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F