October 03, 2023
October 03, 2023
ന്യൂഡല്ഹി: ഡല്ഹി ഉള്പ്പെടെയുള്ള ഉത്തരേന്ത്യന് സംസ്ഥാനങ്ങളില് ശക്തമായ ഭൂചലനം. റിക്ടര് സ്കെയിലില് 4.6 തീവ്രതയാണ് ഡൽഹിയിൽ രേഖപ്പെടുത്തിയത്. നേപ്പാളിലെ ദിപയാലാണ് ഭൂചലനത്തിന്റെ പ്രഭവകേന്ദ്രം. 6.2 തീവ്രത നേപ്പാളിൽ രേഖപ്പെടുത്തിയതായി നാഷണല് സെന്റര് ഫോര് സീസ്മോളജി അറിയിച്ചു.
നാശനഷ്ടങ്ങളൊന്നും ഇതുവരെ റിപ്പോർട്ട് ചെയ്തിട്ടില്ല. ഇന്ത്യൻ സമയം ഉച്ചയ്ക്ക് 2.25 നാണ് ആദ്യ ചലനം അനുഭവപ്പെട്ടത്. പിന്നീട് ഉച്ചയ്ക്ക് 2.53ന് വീണ്ടും ഭൂചലനം അനുഭവപ്പെട്ടു.
അതേസമയം, ഡല്ഹിയലെ പലയിടങ്ങളിലും പ്രകമ്പനം ഉണ്ടായതിനെ തുടര്ന്ന് ആളുകള് കെട്ടിടങ്ങളില് നിന്ന് പുറത്തേക്കിറങ്ങിയിട്ടുണ്ട്. ഡല്ഹിയെ കൂടാതെ, ഉത്തര്പ്രദേശിലെ ലഖ്നൗ, ഹാപൂര്, അംറോഹ, ജമ്മു കശ്മീര്, പഞ്ചാബ്, ഹരിയാന എന്നിവിടങ്ങളിലും ഭൂചലനം അനുഭവപ്പെട്ടതായി റിപ്പോര്ട്ടുകളുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/FSQLmJGMow51SCIIBEEcWV