January 25, 2024
January 25, 2024
മസ്‌കത്ത്: മസ്‌കത്ത് മുനിസിപ്പാലിറ്റി വാടക കരാറുകള്‍ക്ക് ഇലക്ട്രോണിക് രജിസ്ട്രേഷന് ആരംഭിച്ചു. സര്‍ക്കാര്‍ സേവനങ്ങള്‍ ഡിജിറ്റലാക്കുന്നതിന്റെ ഭാഗമായാണ് നടപടി. ആദ്യ ഘട്ടത്തില്‍ പുതിയ റസിഡെന്‍ഷ്യല്‍ വാടക കരാറുകള്‍ക്കാണ് ഓണ്‍ലൈന്‍ രജിസ്ട്രേഷന് സേവനം ലഭ്യമാകുക. കമ്പനികള്‍ക്കും സര്‍ക്കാര്‍ സ്ഥാപനങ്ങള്‍ക്കുമുള്ള രജിസ്ട്രേഷന് നിലവിലെ നടപടിക്രമങ്ങള്‍ തുടരും.
ഇ- രജിസ്‌ട്രേഷനിലൂടെ കെട്ടിട ഉടമകളും ഉപയോക്താക്കളും തമ്മിലുള്ള ഇടപാടുകള്‍ ലളിതമാക്കുകയാണ് ലക്ഷ്യം. രജിസ്ട്രേഷന് ഡിജിറ്റലാക്കുന്നതോടെ നഗരസഭയുടെ ഓഫീസുകള്‍ സന്ദര്‍ശിക്കാതെ നടപടിക്രമങ്ങള്‍ പൂര്‍ത്തിയാക്കാന്‍ കഴിയുമെന്നും മസ്‌കത്ത് നഗരസഭ പ്രസ്താവനയില്‍ വ്യക്തമാക്കി. ഓണ്‍ലൈന്‍ രജിസ്‌ട്രേഷനിലൂടെ ലഭിക്കുന്ന ഇലക്ട്രോണിക് സര്‍ട്ടിഫൈഡ് ലീസ് കരാറുകള്‍ കോടതി ഇടപാടുകളില്‍ ഉള്‍പ്പെടെ ഔദ്യോഗിക രേഖകളായി പരിഗണിക്കുമെന്നും നഗരസഭ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
