December 23, 2023
December 23, 2023
റിയാദ്: സൗദി അറേബ്യയില്‍ നിന്ന് മംഗലാപുരത്തേക്ക് പുറപ്പെട്ട ചരക്ക് കപ്പലിന് നേരെ ഡ്രോണ്‍ ആക്രമണം. ഗുജറാത്ത് തീരത്തിനടുത്ത് നടന്ന ആക്രമണത്തില്‍ കപ്പലില്‍ തീപിടുത്തവും സ്‌ഫോടനവും ഉണ്ടായതായി എഎഫ്പി റിപ്പോര്‍ട്ട് ചെയ്തു. പോര്‍ബന്തറിന് 217 നോട്ടിക്കല്‍ മൈല്‍ അകലെയാണ് ആക്രമണം നടന്നതെന്നാണ് വിവരം. സൗദി തുറമുഖത്ത് നിന്ന് ക്രൂഡ് ഓയില്‍ കയറ്റി വന്ന കപ്പലിന് നേരെയായിരുന്നു ആക്രമണം. ആളപായമൊന്നും റിപ്പോര്‍ട്ട് ചെയ്തിട്ടില്ല. അതേസമയം കപ്പലിലെ 20 ജീവനക്കാര്‍ ഇന്ത്യക്കാരാണ്.
ഇസ്രയേലിന് പങ്കാളിത്തമുള്ള കപ്പലിന് നേരെയാണ് ആക്രമണമെന്നാണ് പ്രഥമിക വിവരം. സംഭവത്തില്‍ അന്വേഷണം ആരംഭിച്ചതായി ബ്രിട്ടീഷ് സൈന്യത്തിന്റെ യുകെ മാരിടൈം ട്രേഡ് ഓപ്പറേഷന്‍സ് വ്യക്തമാക്കി. മറ്റ് കപ്പലുകള്‍ക്ക് ജാഗ്രതാ നിര്‍ദേശവും നല്‍കിയിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
