December 07, 2023
December 07, 2023
ദോഹ: ഖത്തറില് വധശിക്ഷ വിധിച്ച മലയാളി ഉള്പ്പെടെയുള്ള മുന് ഇന്ത്യന് നാവികരുമായി ഖത്തറിലെ ഇന്ത്യന് അംബാസഡര് കൂടിക്കാഴ്ച നടത്തി. ഡിസംബര് മൂന്നിനായിരുന്നു കൂടിക്കാഴ്ച. ഖത്തര് ഭരണാധികാരി ഷെയ്ഖ് തമീം അല്താനിയുമായി പ്രധാനമന്ത്രി നരേന്ദ്രമോദി ദുബായില് കൂടിക്കാഴ്ച നടത്തിയതിന് പിന്നാലെയാണിത്.
കൂടിക്കാഴ്ചയ്ക്ക് അനുമതി ലഭിച്ചതായി വിദേശകാര്യ വക്താവ് അരിന്ദം ബാഗ്ചി വ്യക്തമാക്കി. വധശിക്ഷയ്ക്ക് എതിരായ ഇന്ത്യയുടെ അപ്പീലില് നവംബര് 23, 30 തീയതികളില് രണ്ട് ഹിയറിങ്ങുകള് നടന്നതായും കഴിയുന്നതെല്ലാം ചെയ്യുമെന്നും അദ്ദേഹം പറഞ്ഞു.
ഒരു മലയാളി ഉള്പ്പെടെ എട്ട് മുന് ഇന്ത്യന് നാവികരാണ് വധശിക്ഷയ്ക്ക് വിധിക്കപ്പെട്ട് ഖത്തറില് ജയിലില് കഴിയുന്നത്. ചാരവൃത്തി ആരോപിച്ച് കഴിഞ്ഞ വര്ഷം ഓഗസ്റ്റിലാണ് നാവികരെ രഹസ്യാന്വേഷണ ഏജന്സി അറസ്റ്റ് ചെയ്തത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F