October 05, 2023
October 05, 2023
ചെന്നൈ: വിവാഹ വാഗ്ദാനം നല്‍കി പീഡിപ്പിച്ചെന്ന യുവതിയുടെ പരാതിയില്‍ റിയാലിറ്റി ഷോ താരം ഷിയാസ് കരീം പിടിയില്‍. ദുബായില്‍ നിന്ന് ചെന്നൈയില്‍ എത്തിയ ഷിയാസിനെ ഇന്ന് പുലര്‍ച്ചെയാണ് ചെന്നൈ വിമാനത്താവളത്തില്‍ വെച്ച് കസ്റ്റംസ് പിടികൂടിയത്. വിവാഹ വാഗ്ദാനം നല്‍കി 2021 മുതല്‍ ഷിയാസ് പീഡിപ്പിച്ചെന്നാണ് എറണാകുളത്ത് ജിം ട്രെയിനറായി ജോലി ചെയ്തിരുന്ന യുവതിയുടെ പരാതി. കാസര്‍ഗോഡ് പടന്ന സ്വദേശിയായ യുവതി കഴിഞ്ഞ മാസമാണ് ചന്തേര പോലീസില്‍ ഷിയാസിനെതിരെ പരാതി നല്‍കിയത്. എറണാകുളത്തെ ലോഡ്ജില്‍ വെച്ചും മൂന്നാറിലെ റിസോട്ടില്‍ എത്തിച്ചും താരം പീഡിപ്പിച്ചെന്നും 11 ലക്ഷം രൂപ തട്ടിയെടുത്തുവെന്നും യുവതി പരാതിയില്‍ പറയുന്നു.
ദുബായിലായിരുന്ന ഷിയാസിനെതിരെ പോലീസ് ലുക്ക് ഔട്ട് നോട്ടീസ് പുറത്തിറക്കിയിരുന്നു. ഇന്ന് ചെന്നൈയില്‍ എത്തുന്ന ചന്തേര സിഐയുടെ നേതൃത്വത്തിലുള്ള സംഘം ഷിയാസിനെ കസ്റ്റഡിയിലെടുക്കും. കേരളത്തില്‍ എത്തിച്ച ശേഷം അറസ്റ്റ് അടക്കമുള്ള തുടര്‍നടപടികളിലേക്ക് കടക്കാനാണ് സാധ്യത. അതേസമയം ഹൈക്കോടതി ഷിയാസിന് ഇടക്കാല ജാമ്യം അനുവദിച്ചു.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
