December 27, 2023
December 27, 2023
ഡല്‍ഹി: ഡല്‍ഹിയിലെ ഇസ്രയേല്‍ എംബസിക്ക് സമീപം സ്‌ഫോടനമുണ്ടായ പശ്ചാത്തലത്തില്‍ ഇന്ത്യയിലെ ഇസ്രയേല്‍ പൗരന്‍മാര്‍ക്ക് ജാഗ്രത നര്‍ദേശം. അബ്ദുള്‍ കലാം റോഡിലെ എംബസിക്ക് സമീപം ഹിന്ദി ട്രെയിനിംഗ് ഇന്‍സ്റ്റിറ്റ്യൂട്ടിന് അടുത്താണ് കഴിഞ്ഞദിവസം സ്‌ഫോടനമുണ്ടായത്. വൈകിട്ട് 5.20ന് എംബസിക്ക് സമീപം സ്ഫോടനമുണ്ടായതായി ഇസ്രയേല്‍ എംബസി വക്താവ് ഗൈനിര്‍ വ്യക്തമാക്കി. ജീവനക്കാര്‍ സുരക്ഷിതരാണെന്നും പോലീസും സുരക്ഷാ ടീമുകളും അന്വേഷണം നടത്തിവരികയാണെന്നും അദ്ദേഹം കൂട്ടിച്ചേര്‍ത്തു.
അതേസമയം സ്ഫോടനം നടന്ന സ്ഥലത്ത് ബോംബ് സ്‌ക്വാഡും ഡല്‍ഹി പോലീസും എന്‍ഐഎയും പരിശോധന നടത്തിയെങ്കിലും ഒന്നും കണ്ടെത്താനായില്ല. അതിനിടെ ഇന്ത്യയിലെ, പ്രത്യേകിച്ച് ഡല്‍ഹിയിലെ ഇസ്രയേല്‍ പൗരന്‍മാരോട് ജാഗ്രത പാലിക്കാന്‍ ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫീസ് പുറത്തിറക്കിയ പ്രസ്താവനയില്‍ വ്യക്തമാക്കി. നേരത്തെ 2021 ജനുവരിയില്‍ എംബസിക്ക് സമീപം ബോംബ് സ്ഫോടനം നടന്നിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
