October 11, 2023
October 11, 2023
ഡല്ഹി: പുതിയ ഇന്ത്യന് വിമാന കമ്പനിയായ ആകാശ എയറിന് മൂന്ന് ജിസിസി രാജ്യങ്ങളിലേക്ക് സര്വീസ് നടത്താന് കേന്ദ്ര സര്ക്കാര് അനുമതി നല്കി. ഖത്തര്, സൗദി അറേബ്യ, കുവൈത്ത് എന്നീ രാജ്യങ്ങളിലേക്കുള്ള അന്താരാഷ്ട്ര സര്വീസുകള്ക്കാണ് അനുമതി. ശൈത്യകാലത്തെ സര്വീസുകള്ക്കാണ് നിലവില് അനുമതി ലഭിച്ചത്. ഒരു വിമാന കമ്പനിക്ക് മറ്റൊരു രാജ്യത്തേക്ക് സര്വീസ് നടത്താന് ഇരു രാജ്യങ്ങളുടേയും അനുമതി വേണം.
ദുബായിയുമായുള്ള ഉഭയകക്ഷി കരാറുകള് തീര്ന്നതിനാല് അവിടേക്കുള്ള സര്വീസിന് ഇനിയും ആകാശ എയറിന് അനുമതി ലഭിക്കണം. രാജ്യങ്ങളുടെ അനുമതി ലഭിച്ച ശേഷം സര്വീസുകള്ക്കായി വിമാനത്താവളങ്ങളില് നിന്ന് സ്ലോട്ടുകള്ക്കും അപേക്ഷ സമര്പ്പിക്കണം. അതേസമയം ചെലവ് കുറഞ്ഞ യാത്ര വാഗ്ദാനം ചെയ്ത് സർവീസ് തുടങ്ങിയ ആകാശ എയറില് നിന്ന് അടുത്തിടെ പൈലറ്റുമാര് കൂട്ടത്തോടെ രാജിവെച്ചിരുന്നു. കമ്പനി നിയമക്കുരുക്കില് ഉള്പ്പെട്ടതിനെ തുടര്ന്നായിരുന്നു പൈലറ്റുമാരുടെ കൂട്ട രാജി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV