June 06, 2020
June 06, 2020
മസ്കത്ത് : മസ്കത്തിലെ മത്ര വിലായത്തിൽ രണ്ട് മാസത്തിലധികം നീണ്ടുനിന്ന ഐസൊലേഷൻ നിയന്ത്രണങ്ങളിൽ ഇളവനുവദിച്ചതോടെ കൂടുതൽ വ്യാപാര – വാണിജ്യ സ്ഥാപനങ്ങൾ പ്രവർത്തനങ്ങൾ പുനരാരംഭിച്ചു. കർശന നിയന്ത്രണങ്ങളോടെയാണ് ഇളവുകൾ പ്രഖ്യാപിച്ചിരിക്കുന്നത്. മുഴുവൻ ആളുകളും മെഡിക്കൽ മാസ്ക്കുകൾ ധരിക്കുകയും, കൃത്യമായ സാമൂഹിക അകലം പാലിക്കുകയും വേണം. ഒരു കാരണവശാലും ആളുകൾ സംഘം ചേരാൻ പാടില്ലെന്നും നിർദേശിച്ചിട്ടുണ്ട്.
നിയന്ത്രണങ്ങൾ ഉറപ്പു വരുത്തുന്നതിൻറെ ഭാഗമായി ദാർസെയ്ത്തിലും, വാദി അൽ കബീറിലും റോയൽ ഒമാൻ പോലീസ് ചെക് പോയിന്റുകൾ ആരംഭിച്ചിട്ടുണ്ട്. ഓൾഡ് മത്ര, ഹംറിയ, വാദി അൽ കബീർ മേഖലകളിലും ഇളവുകൾ ഉണ്ടായിരിക്കുന്നതല്ല.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക