April 03, 2023
April 03, 2023
ന്യൂസ്റൂം ബ്യുറോ ന്യൂദല്ഹി: എന്. സി.ഇ. ആര്. ടിയുടെ പന്ത്രണ്ടാം ക്ലാസിലെ ചരിത്ര പുസ്തകത്തില് നിന്നും മുഗള് സാമ്രാജ്യത്തെക്കുറിച്ചുള്ള അധ്യായങ്ങള് ഒഴിവാക്കി. 2023- 24 സിലബസിലാണ് ഏറ്റവും ഒടുവിലായി സംഘ് പരിവാരം തങ്ങളുടെ അജണ്ട നടപ്പിലാക്കിയത്. സി. ബി. എസ്. ഇ, യു. പി ഉള്പ്പെടെയുള്ള എല്ലാ ബോര്ഡുകളുടെയും എന്. സി. ഇ. ആര്. ടി പിന്തുടരുന്ന മറ്റ് സംസ്ഥാന ബോര്ഡുകളുടെയും സിലബസില് ഇനി മുതല് മാറ്റമുണ്ടാകും.
പുതുക്കിയ പാഠ്യപദ്ധതിയില് രാജാക്കന്മാരും ദിനവൃത്താന്തങ്ങളും എന്ന വിഷയവുമായി ബന്ധപ്പെട്ട അധ്യായങ്ങളും വിഷയങ്ങളുമാണ് എന്. സി.ഇ. ആര്. ടി നീക്കം ചെയ്തത്. ചരിത്ര വിഷയത്തിനൊപ്പം 12-ാം ക്ലാസിലെ സിവിക്സ് പുസ്തകവും പരിഷ്കരിച്ചിട്ടുണ്ട്. സിവിക്സ് പുസ്തകത്തിലെ ലോക രാഷ്ട്രീയത്തിലെ യു. എസ് മേധാവിത്വം, ശീതയുദ്ധ കാലഘട്ടം തുടങ്ങിയ അധ്യായങ്ങളാണ് നീക്കം ചെയ്തത്. പന്ത്രണ്ടാം ക്ലാസിലെ സ്വാതന്ത്ര്യാനന്തര രാഷ്ട്രീയം എന്ന പാഠപുസ്തകത്തില് നിന്ന് ജനകീയ പ്രസ്ഥാനങ്ങളുടെ ഉദയം, ഒറ്റകക്ഷി രാഷ്ട്രീയ കാലഘട്ടം എന്നീ അധ്യായങ്ങളും ഒഴിവാക്കിയിട്ടുണ്ട്.
പന്ത്രണ്ടാം ക്ലാസിനൊപ്പം എന്. സി. ഇ. ആര്. ടി 10, 11 ക്ലാസുകളിലെ പാഠ്യപദ്ധതിയും പരിഷ്കരിച്ചിട്ടുണ്ട്. പത്താം ക്ലാസിലെ ഡെമോക്രാറ്റിക് പൊളിറ്റിക്സ് പാഠപുസ്തകത്തില് നിന്ന് ജനാധിപത്യവും വൈവിധ്യവും, ജനകീയ സമരങ്ങളും പ്രസ്ഥാനവും, ജനാധിപത്യത്തിനെതിരായ വെല്ലുവിളികള് എന്നീ വിഷയങ്ങളും ഒഴിവാക്കിയിട്ടുണ്ട്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI