May 26, 2023
May 26, 2023
ന്യൂസ്‌റൂം ബ്യുറോ
ദുബായ് :പ്രമുഖ വ്യവസായി കണ്ണൂർ സ്വദേശി തളാപ്പ് ജോൺ മിൽ കരിമ്പ് ഗവേഷണ കേന്ദ്രത്തിനു സമീപത്തെ മസ്ഹറിൽ കെ.ടി.പി മഹമൂദ് ഹാജി (67) ദുബായ് വിമാനത്താവളത്തിൽ മരിച്ചു. ദുബായിലുള്ള മക്കളുടെ അടുത്തേക്ക് വന്നതായിരുന്നു. വിമാനത്തിൽ അസ്വസ്ഥത അനുഭവപ്പെട്ട മഹമൂദ് ഹാജിയെ ദുബായിൽ വിമാനമിറങ്ങിയ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മഹമൂദ് ഹാജിയുടെ ഭാര്യയും മക്കളും കഴിഞ്ഞ ദിവസം ദുബായിലെത്തിയിരുന്നു.
ചെറുകുന്നിലെ പരേതരായ ഇ.ടി.പി അസൈനാറുടെയും നബീസയുടെയും മകനായ മഹമൂദ് ഹാജിക്ക് കണ്ണൂരിലും ഗൾഫിലും ബിസിനസ് സ്ഥാപനങ്ങളുണ്ട്. തെക്കി ബസാർ ജുമാ മസ്ജിദ് കമ്മിറ്റി അംഗമാണ്. ഭാര്യ: കെ.പി ജമീല. മക്കൾ: റിഫാസ്, റിയാദ, റിസ് വാൻ, റമീസ്. മരുമക്കൾ: ഡോ.അഫ്‌സൽ (ദുബായ്), അസീഫ, മിർസാന. സഹോദരങ്ങൾ: കെ.ടി.പി മുസ്തഫ ഹാജി (ചെറുകുന്ന് മഹല്ല് പ്രസിഡന്റ്), സഹീദ്, ഖദീജ.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
