November 02, 2019
November 02, 2019
ദുബായ് : ക്യാർ ചുഴലിക്കാറ്റ് ദുർബലമായെങ്കിലും 'മഹ' ഗൾഫ് തീരം ലക്ഷ്യമാക്കി നീങ്ങുന്നതായി റിപ്പോർട്ട്.ഇതേതുടർന്ന് തിങ്കളാഴ്ച മുതൽ യുഎഇയുടെ കിഴക്കൻ എമിറേറ്റുകളിൽ തീരപ്രദേശങ്ങളിൽ ജലനിരപ്പ് ഉയരുമെന്ന് നാഷണൽ സെന്റർ ഓഫ് മെറ്റീരിയോളജി (എൻസിഎം) മുന്നറിയിപ്പ് നൽകി.
അറബിക്കടലിൽ രൂപപ്പെട്ട ന്യുനമർദം 'മഹ' വടക്കൻ ദിശയിലേക്ക് നീങ്ങുന്നതായാണ് വിവരം. അടുത്ത 24 മണിക്കൂറിനുള്ളിൽ കാറ്റഗറി വൺ ചുഴലിക്കാറ്റായി ഇത്രൂ പാന്തരപ്പെടുമെന്നും യുഎഇയുടെ കിഴക്കൻ തീരങ്ങളിൽ കടൽക്ഷോഭത്തിന് ഇടയാക്കുമെന്നുമാണ് അറിയിപ്പ്.ക്യാർ ചുഴലിക്കാറ്റിന്റെ ഫലമായി നേരത്തെ യു.എ.ഇയിലെ കിഴക്കൻ എമിറേറ്റുകളിൽവെള്ളം കയറിയിരുന്നു.