June 09, 2023
June 09, 2023
ന്യൂസ്റൂം ബ്യുറോ
ദുബായ് : കേരള മുഖ്യമന്ത്രി പിണറായി വിജയൻ ജൂണ് 17ന് ദുബായിലെത്തും. ക്യൂബയില്നിന്നുള്ള മടക്കയാത്രയിലാണ് മുഖ്യമന്ത്രി ദുബായ് സന്ദര്ശിക്കുക.
ജൂണ് 18ന് സ്റ്റാര്ട്ട് അപ് മിഷന്റെ ദുബായ് കേന്ദ്രം മുഖ്യമന്ത്രി ഉദ്ഘാടനം ചെയ്യും. ബുര്ജ് ഖലീഫക്ക് സമീപം താജ് ഹോട്ടലില് ജൂണ് 18ന് വൈകീട്ടാണ് ചടങ്ങ് .
സംസ്ഥാന സര്ക്കാറിന്റെ ഇലക്ട്രോണിക്സ് ആൻഡ് ഐ.ടി വിഭാഗം സെക്രട്ടറി ഡോ. രത്തൻ യു. കേല്ഖര് ഉള്പ്പെടെയുള്ള ഉന്നത ഉദ്യോഗസ്ഥരും പരിപാടിയില് സംബന്ധിക്കും. സ്റ്റാര്ട്ടപ്, ഐ.ടി മേഖലയുമായി ബന്ധപ്പെട്ട സംരംഭങ്ങളെ സഹായിക്കാൻ പ്രവാസി മലയാളികളുടെ പങ്കാളിത്തം ഉറപ്പാക്കാനുള്ള പദ്ധതിക്കും മുഖ്യമന്ത്രി തുടക്കം കുറിക്കും. പ്രവാസി നിക്ഷേപം ഈ മേഖലകളിലേക്ക് കൊണ്ടുവരാനാണ് സര്ക്കാര് ലക്ഷ്യമിടുന്നത്.
നേരത്തെ അബൂദബി നിക്ഷേപ ഉച്ചകോടിയില് പങ്കെടുക്കാൻ മുഖ്യമന്ത്രിക്ക് ക്ഷണം ലഭിച്ചിരുന്നെങ്കിലും കേന്ദ്രാനുമതി ലഭിക്കാത്തതിനാല് യാത്ര മാറ്റിവെക്കുകയായിരുന്നു. മുഖ്യമന്ത്രി പങ്കെടുക്കേണ്ട പ്രാധാന്യം ഉച്ചകോടിക്കില്ലെന്നു പറഞ്ഞാണ് കേന്ദ്രം അനുമതി നിഷേധിച്ചത്.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz