June 10, 2021
June 10, 2021
മസ്കത്ത് : കാസര്‍കോട് സ്വദേശി ഒമാനില്‍ കുഴഞ്ഞുവീണ് മരിച്ചു. കോളിയടുക്ക പഞ്ചായത്ത് ഓഫീസിന് പിറകുവശം താമസിക്കുന്ന അബ്ദുല്‍ സലാം (45) ആണ് മരിച്ചത്. ബുധനാഴ്ച രാത്രി 10 മണിയോടെയായിരുന്നു അന്ത്യം.
ഒമാനില്‍ ഹോട്ടല്‍ നടത്തി വരികയായിരുന്നു. രണ്ടര വര്‍ഷം മുമ്പാണ് നാട്ടില്‍ നിന്നും ഒമാനിൽ തിരിച്ചെത്തിയത്.. ശാരീരിക അസ്വസ്ഥതകളെ തുടര്‍ന്ന് കഴിഞ്ഞ രണ്ട് ദിവസമായി മുറിയിൽതന്നെ വിശ്രമത്തിലായിരുന്നു. ബുധനാഴ്ച രാത്രി സഹോദരന്‍ എത്തിയപ്പോൾ വീണുകിടക്കുന്ന നിലയില്‍ കാണുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും മരണപ്പെട്ടതായി ഡോക്ടര്‍മാര്‍ അറിയിച്ചു. ഹൃദയാഘാതം മൂലം മരണം സംഭവിച്ചതെന്നാണ് നിഗമനം.
കോളിയടുക്കത്തെ അബ്ദുല്ല - നഫീസ ദമ്ബതികളുടെ മകനാണ്.ഭാര്യ: ത്വാഹിറ ചെമ്ബരിക്ക. മക്കള്‍: സഹാസ്, ഹാശിര്‍, ഫമീദ, ഫാത്വിമ.സഹോദരങ്ങള്‍: അലി, ലത്വീഫ്.
മൃതദേഹം ഒമാനില്‍ തന്നെ ഖബറടക്കുമെന്ന് ബന്ധുക്കള്‍ അറിയിച്ചു.
ന്യൂസ്‌റൂം മിഡിൽ ഈസ്റ്റ് ഫെയ്സ്ബുക് ഗ്രൂപ്പിൽ അംഗമാവുക.നിങ്ങൾക്കും വാർത്തകൾ പങ്കുവെക്കാം
