September 18, 2021
September 18, 2021
ദുബൈ: ഇരിങ്ങാലക്കുട ചിറ്റിലപ്പിള്ളി തൊമ്മാന പരേതനായ ബേബിയുടെ മകന്‍ ജെറി (38) ദുബൈയില്‍ വാഹനാപകടത്തില്‍ മരിച്ചു. വ്യാഴാഴ്ച ഉച്ചക്ക് 12ന് മിര്‍ദിഫിലായിരുന്നു അപകടം.
റാശിദീയ മെട്രോ സ്റ്റേഷന് സമീപത്തെ ഹോട്ടലിലെ ജീവനക്കാരനായിരുന്നു. ഭക്ഷണം ഡെലവറിക്കായി പോയി മടങ്ങവേ ജെറി ഓടിച്ചിരുന്ന ബൈക്കില്‍ മറ്റൊരു വാഹനം ഇടിക്കുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. 18 വര്‍ഷമായി ഗള്‍ഫിലായിരുന്നു.
അവിവാഹിതനാണ്. മാതാവ്: റെജീന. സഹോദരന്‍: ബെന്നി. മൃതദേഹം നാട്ടിലെത്തിച്ച്‌ സംസ്കരിക്കും.
