November 23, 2022
November 23, 2022
ന്യൂസ്‌റൂം ബ്യുറോ
ദോഹ : ഇന്നലെ അർജന്റീനക്കെതിരെ നടന്ന ഐതിഹാസിക മത്സരത്തിനിടെ ഗുരുതരമായി പരിക്കേറ്റ സൗദി ഡിഫന്റർ യാസിർ അൽ ശഹ്‌റാനിയെ വിദഗ്ദ്ധ ചികിത്സക്കായി റിയാദിൽ എത്തിച്ചു.വിജയത്തിന്റെ അവസാന നിമിഷങ്ങളിൽ സൗദി ഗോൾ കീപ്പർ മുഹമ്മദ് അൽ ഉവൈസിയുമായി കൂട്ടിയിടിച്ചാണ് നെഞ്ചിലും വയറിലും തലയിലും അൽ ശഹ്‌റാനിക്ക് ഗുരുതരമായി പരിക്കേറ്റത്.താടിയെല്ലും മുഖത്തെ എല്ലും പൊട്ടിയതിന് പുറമെ,ആന്തരിക രക്തസ്രാവമുണ്ടായതായും റിപ്പോർട്ട് ഉണ്ട്.
ഇന്ന് രാവിലെയാണ് ദോഹയിലെ ഹമദ് മെഡിക്കൽ സിറ്റിയിൽ നിന്ന് അദ്ദേഹത്തെ റിയാദിലെ നാഷണൽ ഗാർഡ് ആശുപത്രിയിൽ എത്തിച്ചതെന്ന് സൗദി ഫുട്‍ബോൾ ടീം ട്വീറ്റ് ചെയ്തു.
ശസ്ത്രക്രിയാ നടപടികൾ പുരോഗമിക്കുകയാണ്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക
