November 07, 2022
November 07, 2022
ന്യൂസ്റൂം ബ്യുറോ
റിയാദ്: സൗദി റോയല് എയര്ഫോഴ്സിന്റെ എഫ്-15 എസ് യുദ്ധവിമാനം സാങ്കേതിക തകരാറിനെ തുടര്ന്ന് കിങ് അബ്ദുല് അസീസ് എയര്ബേസ് പരിശീലന ഗ്രൗണ്ടില് തകര്ന്നുവീണു.
ഞായറാഴ്ച രാത്രി പതിവ് പരിശീലനത്തിനിടെ സാങ്കേതിക തകരാര് സംഭവിച്ചതായി പ്രതിരോധ മന്ത്രാലയത്തെ ഉദ്ധരിച്ച് സൗദി പ്രസ് ഏജന്സി റിപ്പോര്ട്ട് ചെയ്തു.
രണ്ട് ഓഫിസര്മാര് അടങ്ങുന്ന ക്രൂ അപകടത്തില്നിന്ന് രക്ഷപ്പെട്ടതായി മന്ത്രാലയ വക്താവ് ജനറല് തുര്ക്കി അല്-മാലികി അറിയിച്ചു. പരിക്കുകളോ നഷ്ടങ്ങളോ ഉണ്ടായില്ല. അപകടത്തെക്കുറിച്ച് അന്വേഷണം ആരംഭിച്ചു. മക്ഡൊണല് ഡഗ്ലസ് രൂപകല്പന ചെയ്ത ഇരട്ട എന്ജിന് യുദ്ധവിമാനമാണ് എഫ്-15 ഈഗിള്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക