October 26, 2022
October 26, 2022
ന്യൂസ്റൂം ബ്യുറോ
മക്ക : സൗദിയിൽ രണ്ട് വ്യത്യസ്ത വാഹനാപകടങ്ങളിലായി നാല് പേർ മരിച്ചു. നിയന്ത്രണം വിട്ട ബസ് പാലത്തിലിടിച്ച് മക്കയിൽ രണ്ടുപേർ മരിച്ചു.ഒൻപത് പേർക്ക് പരിക്കേറ്റു.സൗദി റെഡ് ക്രസന്റ് മക്ക റീജിയണൽ ഓഫീസാണ് ഇക്കാര്യം അറിയിച്ചത്.
പരിക്കേറ്റവരെ മക്ക അൽ നൂർ സ്പെഷ്യലിസ്റ്റ് ആശുപത്രിയിലും അൽ സാഹിർ കിംഗ് അബ്ദുൽ അസീസ് ആശുപത്രിയിലും പ്രവേശിപ്പിച്ചു.
ഇതിനിടെ സൗദിയുടെ വടക്കന് മേഖലയിലെ തബൂക്കില് മരുഭൂറോഡില് അധ്യാപകര് സഞ്ചരിച്ച കാറും ടാങ്കര് ലോറിയും കൂട്ടിയിടിച്ച് രണ്ടു അധ്യാപകര് മരണപ്പെടുകയും മൂന്നു പേര്ക്ക് പരിക്കേല്ക്കുകയും ചെയ്തു.
പരിക്കേറ്റ അധ്യാപകരെ തബൂക്ക് കിംഗ് ഖാലിദ്, അബൂറാക ആശുപത്രികളില് പ്രവേശിപ്പിച്ചു. താമസസ്ഥലത്തു നിന്ന് 20 കിലോമീറ്റര് ദൂരെ അല്വജിലെ ഗ്രാമത്തില് പ്രവര്ത്തിക്കുന്ന സ്കൂളിലെ ജീവനക്കാരായ അധ്യാപകര് സ്കൂള് വിട്ട് മടങ്ങുന്നതിനിടെയാണ് ഇവര് സഞ്ചരിച്ച കാര് ടാങ്കറുമായി കൂട്ടിയിടിച്ചത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക