October 10, 2022
October 10, 2022
ന്യൂസ്‌റൂം ബ്യുറോ
ജിദ്ദ: സൗദി അറേബ്യയുടെ കിഴക്കന്‍ പ്രവിശ്യയിലെ ഖത്വീഫില്‍ നഴ്സറി സ്കൂള്‍ ബസ്സില്‍ അഞ്ച് വയസ്സുകാരന്‍ ശ്വാസം മുട്ടി മരിച്ചു.ഞായറാഴ്ച ഉച്ചക്ക് ശേഷമാണ് സൗദി വിദ്യാര്‍ഥിയായ ഹസന്‍ അലവി എന്ന എന്ന കുട്ടി ബസ് ജീവനക്കാരുടെ അശ്രദ്ധയെ തുടർന്ന് ബസിനുള്ളില്‍ ശ്വാസം കിട്ടാതെ മരിച്ചത്.
കഴിഞ്ഞ മാസം ഖത്തറിൽ മലയാളി ദമ്പതികളുടെ നാല് വയസ്സുള്ള മകൾ ബസ്സിനുള്ളിൽ മരിച്ചതിന്റെ ആഘാതം വിട്ടുമാറുന്നതിന് മുമ്പാണ് സൗദിയിലും സമാനമായ സംഭവം ആവർത്തിക്കുന്നത്.
വാടകയ്ക്കെടുത്ത സ്വകാര്യ ബസിലെ ഡ്രൈവര്‍ ബസില്‍ കുട്ടിയുള്ളത് ശ്രദ്ധിക്കാത്തതിലാണ് അപകടമുണ്ടായതെന്ന് കിഴക്കന്‍ മേഖല വിദ്യാഭ്യാസ വക്താവ് സഈദ് അല്‍ബാഹിസ് അറിയിച്ചു. സംഭവത്തെ കുറിച്ച് വിശദമായ അന്വേഷണം ആരംഭിച്ചിട്ടുണ്ട്.
സ്കൂള്‍ സന്ദര്‍ശിക്കാനും ഇത്തം ഘട്ടങ്ങളില്‍ ആവശ്യമായ നടപടിക്രമങ്ങള്‍ക്കും ഒരു സംഘം രൂപവത്കരിക്കാനും അധികൃതർ നിര്‍ദേശിച്ചിട്ടുണ്ട്. കുട്ടിയുടെ കുടുംബത്തെ കിഴക്കന്‍ മേഖല വിദ്യാഭ്യാസ കാര്യാലയം അഗാധമായ ദുഃഖം അറിയിച്ചിട്ടുണ്ടെന്നും വക്താവ് പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
