May 04, 2020
May 04, 2020
ന്യൂ ഡൽഹി : മെയ് ഏഴ് വ്യാഴാഴ്ച മുതൽ വിദേശരാജ്യങ്ങളിൽ കുടുങ്ങിയ പ്രവാസി ഇന്ത്യക്കാരെ തിരികെക്കൊണ്ടുവരാൻ തീരുമാനിച്ച സാഹചര്യത്തിൽ ആദ്യ വിമാനം യു.എ.ഇയിൽ നിന്നായിരിക്കുമെന്ന് സൂചന. ഉന്നതതല വൃത്തങ്ങളെ ഉദ്ധരിച്ചാണ് ചില ദേശീയ മാധ്യമങ്ങൾ ഇക്കാര്യം റിപ്പോർട്ട് ചെയ്തത്. അമേരിക്ക ഉള്പ്പെടെയുള്ള മറ്റ് രാജ്യങ്ങളിലേക്കും വിമാനങ്ങള് അയക്കും. പ്രത്യേക വിമാന സര്വീസുകളായിരിക്കും നടത്തുക. മാലിദ്വീപില് കുടങ്ങിയ ഇന്ത്യക്കാരെ തിരിച്ചെത്തിക്കാനാ യി കപ്പല് അയക്കുമെന്ന് കഴിഞ്ഞ ദിവസം കേന്ദ്ര സര്ക്കാര് അറിയിച്ചിരുന്നു.
അതേസമയം,വിദേശരാജ്യങ്ങളിൽ കുടുങ്ങിയ നാല് ലക്ഷം ഇന്ത്യക്കാർ നോർക്ക വഴി രജിസ്റ്റർ ചെയ്തപ്പോൾ ഇതിൽ ചെറിയൊരു ശതമാനത്തിന് മാത്രമാണ് നാട്ടിലേക്ക് മടങ്ങാൻ അവസരമുണ്ടാവുക.മൊത്തം വിദേശഇന്ത്യക്കാരിൽ രണ്ടു ശതമാനത്തിൽ താഴെ ഇന്ത്യക്കാർ മാത്രമാണ് കേന്ദ്രത്തിന്റെ പരിഗണനാ പട്ടികയിൽ ഉള്ളത്.ഇതിനിടെ,ഖത്തറിലെ ഇന്ത്യൻ എംബസിയിൽ പേർ രജിസ്റ്റർ ചെയ്ത ഗർഭിണികൾ ഉൾപെടെ ഏറ്റവും മുൻഗണന അർഹിക്കുന്ന പലരെയും ഇന്നലെ മുതൽ തന്നെ എംബസി അധികൃതർ ഫോണിൽ വിളിച്ച് കാര്യങ്ങൾ അന്വേഷിക്കാൻ തുടങ്ങിയിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.