September 13, 2019
September 13, 2019
ദുബായ് : പ്രമുഖ മലയാളി വ്യവസായി എം.എ.യുസുഫ് അലിയുടെ പേരിൽ ഫേസ്‌ബുക്കിൽ സ്‌പോൺസേർഡ് പരസ്യം.ഇന്ത്യൻ വ്യവസായിയായ യുസുഫ് അലി തന്റെ ബിസിനസ് രഹസ്യം വെളിപ്പെടുത്തുന്നു എന്ന മുഖവുരയോടെയാണ് ബിറ്റ്‌കോയിനിൽ നിക്ഷേപിക്കാൻ യുസുഫ് അലി പറഞ്ഞതായി വ്യാജ പരസ്യം പ്രത്യക്ഷപ്പെട്ടത്.വിൻ ബിഫോർ എവരിതിങ് എന്ന പേരിലുള്ള പേജിലാണ് പരസ്യം പ്രത്യക്ഷപ്പെട്ടത്. രഹസ്യ സ്വഭാവമുള്ള കാര്യം വെളിപ്പെടുത്തിയതിനാൽ എം.എ.യൂസുഫ് അലി നിയമക്കുരുക്കിലാണെന്നും അതേസമയം സത്യസന്ധമായി കാര്യം വെളിപ്പെടുത്തിയതിന് രാഷ്ട്രം അദ്ദേഹത്തെ പ്രശംസിക്കുകയാണെന്നും പരസ്യത്തിൽ പറയുന്നുണ്ട്.എന്നാൽ വിൻ ബിഫോർ എവരിതിങ് എന്ന പേജിൽ നിന്ന് ഇപ്പോൾ പരസ്യം നീക്കം ചെയ്തിട്ടുണ്ട്.
സൗദി അറേബ്യയിൽ നിരവധി ആളുകളെ സമ്പന്നരാക്കിയ രഹസ്യ നിക്ഷേപ പദ്ധതി യുസുഫ് അലി വെളിപ്പെടുത്തിയെന്നാണ് ഫേസ്‌ബുക് പോസ്റ്റിൽ പറയുന്നത്.ദുബായിലെ പ്രമുഖ ദിനപത്രമായ ഗൾഫ് ന്യൂസിൽ അദ്ദേഹം ഇത് സംബന്ധിച്ച അഭിമുഖം നൽകിയെന്നും ഫേസ്‌ബുക്കിൽ പറയുന്നു.ബിറ്റ് കോയിൻ നിക്ഷേപത്തിലൂടെ കോടികൾ സമ്പാദിക്കാൻ കഴിയുന്ന ബിറ്റ്‌കോയിൻ എവലിയൂഷൻ എന്ന ക്രിപ്റ്റോ കറൻസിയിൽ നിക്ഷേപിക്കുന്നതിന്റെ രഹസ്യങ്ങളും നേട്ടങ്ങളും യുസുഫ് അലി അഭിമുഖത്തിൽ വെളിപ്പെടുത്തിയെന്നാണ് തട്ടിപ്പുകാർ അവകാശപ്പെടുന്നത്.
ബിറ്റ്‌കോയിൻ ഇടപാട് നടത്തുന്ന ചില തട്ടിപ്പ് സംഘങ്ങളാവാം വ്യാജ പരസ്യത്തിന് പിന്നിലെന്നാണ് സൂചന
