September 25, 2022
September 25, 2022
ന്യൂസ്‌റൂം ബ്യുറോ
ദുബായ് : ഫ്‌ളാറ്റുകളിലും വില്ലകളിലും താമസിക്കുന്നവർ ഉടൻ ഒപ്പം താമസിക്കുന്നവരുടെ പേരുവിവരങ്ങൾ മൊബൈൽ ആപ്പ് വഴി രജിസ്റ്റർ ചെയ്യണമെന്ന് നിർദേശം.ലാൻഡ് ഡിപ്പാർട്ടുമെന്റാണ് ഇതുസംബന്ധിച്ച അടിയന്തിര നിർദേശം പുറപ്പെടുവിച്ചത്. രണ്ടാഴ്ചക്കകം ഒപ്പം താമസിക്കുന്ന വരുടെ വിവരങ്ങൾ ഇടപാടുകൾക്ക് ഉപയോഗിക്കുന്ന ദുബൈ റെസ്റ്റ് എന്ന മൊബൈൽ ആപ്പ് വഴി രജിസ്റ്റർ ചെയ്യണം.
ദുബായ് എമിറേറ്റിൽ കെട്ടിടം വാടകക്ക് എടുത്ത് താമസിക്കുന്നവർ, ഫ്‌ളാറ്റുകൾ സ്വന്തമായുള്ളവർ, റിയൽഎസ്റ്റേറ്റ് സ്ഥാപനങ്ങൾ എന്നിവക്കെല്ലാം ഇതുസംബന്ധിച്ച് ലാൻഡ് ഡിപ്പാർട്ടുമെന്റ് സർക്കുലർ അയച്ചിട്ടുണ്ട്. കെട്ടിടത്തിൽ തനിക്കൊപ്പം താമസിക്കുന്ന കുടുംബാംഗങ്ങളുടെയും മറ്റുള്ളവരുടെയും പേര് വിവരങ്ങൾ,അവരുടെ എമിറേറ്റ്‌സ് ഐഡി ഉൾപ്പെടെയാണ് രജിസ്റ്റർ ചെയ്യേണ്ടത്. ഒപ്പം താമ സിക്കുന്നവരുടെ വിവരങ്ങൾ സഹിതമാകും ഇനി മുതൽ വാടകകരാറുകൾ തയാറാക്കുക എന്നാണ് വിവരം. ഒരിക്കൽ രജിസ്റ്റർ ചെയ്ത പേരുകൾ ഇതിൽ നിന്ന് ഒഴിവാക്കാനും സൗകര്യമുണ്ടാകും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക
