April 02, 2021
April 02, 2021
സലാല: ഒമാനിലെ സലാലയിൽ കോവിഡ് ബാധിച്ച് രണ്ടു മലയാളികൾ മരിച്ചു. കണ്ണൂർ താഴെ ചൊവ്വ സ്വദേശി നാലകത്ത് നൗഷാദ് ( 46) വെള്ളിയാഴ്ച രാത്രി രാത്രി എട്ട് മണിയോടെയാണ് മരിച്ചത്..കോവിഡ് ബാധിച്ച് കഴിഞ്ഞ പതിനാറ് ദിവസമായി സുൽത്താൻ ഖാബൂസ് ആശുപത്രിയിൽ ചികിത്സയിലായിരുന്നു. ഒമ്പത് ദിവസത്തോളം വെന്റിലേറ്ററിലായിരുന്നു .കഴിഞ്ഞ 27 വർഷമായി സലാലയിൽ സഹോദങ്ങളോടൊപ്പം ബിസിനസ്സ് നടത്തി വരികയാണ് . സാമുഹ്യ പ്രവർത്തകരായ അബ്ദു റഷീദ്, അബ്ദുന്നാസർ,നസീർ എന്നിവർ സഹോദരങ്ങളാണ് . ഇദ്ദേഹത്തിന്റെ കുടുംബം ദീർഘ നാളായി സലാലയിലാണുള്ളത്. ഭാര്യ ഫർസാന മക്കൾ ഫയാസ് ,റിസാൻ, സിയ,മുഹമ്മദ്. കോവിഡ് പ്രൊട്ടോക്കോൾ പ്രകാരം മ്യതദേഹം സലാലയിൽ ഖബറട ക്കുമെന്ന് ബന്ധുക്കൾ അറിയിച്ചു.
കോഴിക്കോട് കുറ്റ്യാടി തളീക്കര സ്വദേശി തച്ചോളി കുഞ്ഞിരാമന്റെ മകൻ പവിത്ര(47)നാണ് മരിച്ച മറ്റൊരാൾ. ഇന്നലെ രാത്രിയാണ് ശ്വാസതടസ്സം അനുഭവപ്പെട്ടതിനെ തുടർന്ന് ബദർ അൽ സമാ ആശുപത്രിയിൽ പ്രവേശിപ്പിച്ചത്. ഏറെക്കാലമായി സലാലയിൽ ട്രാൻസ്പോർട്ട് മേഖലയിൽ ജോലി ചെയ്തു വരികയായിരുന്നു.
ഭാര്യ : ഷൈന.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
