April 28, 2021
April 28, 2021
മസ്കത്ത്: മകളുടെ വിവാഹത്തിനായി ഒമാനിൽ നിന്ന് നാട്ടില് പോകാനിരുന്ന തിരൂർ സ്വദേശി ദേവദാസ് കപ്പല്പ്പടിക്കല് (58) കോവിഡ് ബാധിച്ച് മരിച്ചു. മുപ്പതു വര്ഷമായി ഒമാനിലുള്ള ഇദ്ദേഹം ഇബ്രക്ക് സമീപം വാദി തൈനില് ഹോട്ടല് നടത്തിവരികയായിരുന്നു.
നാട്ടില് മൂന്നാമത്തെ മകളുടെ വിവാഹം ഏപ്രില് പതിനേഴിന് ഉറപ്പിച്ചതായിരുന്നു. അതില് പങ്കെടുക്കാന് പന്ത്രണ്ടാം തിയതി നാട്ടിലേക്ക് പോകുന്നതിന് സ്വകാര്യ ക്ലിനിക്കില് കോവിഡ് പരിശോധിച്ചപ്പോഴാണ് പോസറ്റീവ് ആെണന്നറിഞ്ഞത്. തുടര്ന്ന് ഹോം ക്വാറന്റീനില് പ്രവേശിച്ചു. പതിനഞ്ചാം തിയതിയോടെ രോഗം മൂര്ച്ഛിക്കുകയും ബര്ക്കയിലെ സ്വകാര്യ ആശുപത്രിയില് പ്രവേശിപ്പിക്കുകയുമായിരുന്നു.
തിങ്കളാഴ്ച രാത്രിയാണ് മരണം സംഭവിച്ചത്. നാട്ടില് മലപ്പുറം തിരൂര് ബി.പി അങ്ങാടിയിലാണ് വീട്. ഭാര്യ: ശോഭ. മക്കള്: നിമ്മി, വിന്നി, അനു.
മൃതദേഹം ഇന്ന് സോഹാറില് സംസ്കരിക്കും.
ന്യൂസ്റൂം വാർത്തകൾ വാട്സ്ആപ്പിൽ ലഭിക്കാൻ ഇവിടെ ക്ലിക്ക് ചെയ്യുക