March 14, 2020
March 14, 2020
ഷാർജ : കൊറോണാ ഭീതി കാരണം കപ്പൽ തീരത്ത് അടുപ്പിക്കാൻ കഴിയാത്തതിനാൽ ഷാര്‍ജയിലെ പുറംകടലില്‍ മലയാളികളടക്കമുള്ള കപ്പല്‍ ജീവനക്കാര്‍ കുടുങ്ങി കിടക്കുന്നു. കൊറോണ വൈറസ് ബാധയുടെ പശ്ചാത്തലത്തില്‍ ഇറാനില്‍ നിന്നു വന്ന കപ്പലായതിനാല്‍ ഷാര്‍ജ തുറമുഖത്ത് അടുപ്പിക്കാനുള്ള അനുമതി ലഭിച്ചിട്ടില്ല. ഇതോടെയാണ് ഇവര്‍ പുറംകടലില്‍ കുടുങ്ങിയത്. കഴിഞ്ഞ അഞ്ച് ദിവസമായി ഇവര്‍ കടലില്‍ ഒറ്റപ്പെട്ട അവസ്ഥയില്‍ കഴിയുകയാണ്.
12 ജീവനക്കാരാണ് കപ്പലിലുള്ളത്. ഇതില്‍ ഏഴു പേര്‍ ഇന്ത്യക്കാരാണ്. ഇതില്‍ മൂന്ന് മലയാളികളും ഉള്‍പ്പെടുന്നു . തിരുവനന്തപുരം വെഞ്ഞാറമൂട് സ്വദേശി അടക്കമുള്ളവരാണ് ഈ മൂന്നു പേരെന്നാണ് വിവരം. ഇറാനിലെ ജീവനക്കാരെ ഇറാനിലിറക്കിയ ശേഷമാണ് കപ്പല്‍ ഷാര്‍ജയിലേക്ക് യാത്ര തിരിച്ചത്. സിയാല്‍ വെസല്‍ എന്ന കമ്പനിയുടെ എംവി ചാമ്പ്യൻ എന്ന കപ്പലാണ് പുറംകടലില്‍ കുടുങ്ങിയിരിക്കുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
