July 13, 2020
July 13, 2020
ദുബായ്/ ന്യൂഡൽഹി : വിദേശരാജ്യങ്ങളിൽ ഉൾപ്പെടെ കോവിഡ് ബാധിച്ചു മരിച്ച ഇന്ത്യക്കാർക്ക് നഷ്ടപരിഹാരം ആവശ്യപ്പെട്ട് സുപ്രീംകോടതിയിൽ പൊതുതാത്‌പര്യ ഹർജി നൽകി. ദുബായിലെ അഭിഭാഷകനും ലോക കേരള സഭാംഗവുമായ അഡ്വ. ടി.കെ.ഹാഷിഖാണ് ഹർജി സമർപ്പിച്ചത്.കോവിഡ് മഹാമാരി പ്രകൃതി ദുരന്തങ്ങൾക്ക് സമാനമാണെന്നും മരിച്ചവരുടെ കുടുംബങ്ങൾക്ക് നഷ്ടപരിഹാരത്തിന് അർഹതയുണ്ടെന്നും ഹാഷിഖ് പറഞ്ഞു.
പ്രധാനമന്ത്രിയുടെയും സംസ്ഥാന മുഖ്യമന്ത്രിമാരുടെയും ദുരിതാശ്വാസ നിധിയിൽനിന്നോ മറ്റേതെങ്കിലും ഫണ്ടിൽനിന്നോ മരിച്ചവരുടെ കുടുംബങ്ങൾക്ക് സഹായം ലഭ്യമാക്കണം എന്നാണ് ആവശ്യം. വിദേശത്തു മരിച്ച ഇന്ത്യക്കാരിൽ ഭൂരിപക്ഷം പേരും കുടുംബത്തിലെ ഏക വരുമാനക്കാരാണെന്നും ഇവരുടെ മരണത്തോടെ കുടുബം അനാഥമായെന്നും ഹർജിയിൽ ചൂണ്ടിക്കാട്ടുന്നു.. മുന്നൂറിലധികം മലയാളികളാണ് കോവിഡ് ബാധിച്ചു ഇതുവരെ ഗൾഫിൽ മാത്രം മരണപ്പെട്ടത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
