April 10, 2023
April 10, 2023
ന്യൂസ്റൂം ബ്യൂറോ
ന്യൂഡല്ഹി: ആം ആദ്മിക്ക് ദേശീയ പാര്ട്ടി പദവി നല്കി തിരഞ്ഞെടുപ്പ് കമ്മീഷന് ഉത്തരവായി. സി.പി.ഐ, ശരദ് പവാറിന്റെ എന്.സി.പി, മമതാ ബാനര്ജിയുടെ ടി.എ.എസി എന്നിവയ്ക്ക് ദേശീയ പാര്ട്ടി പദവിയും നഷ്ടമായി.
ഉത്തര് പ്രദേശില് ആര്.എല്.ഡി, പശ്ചിമ ബംഗാളില് റവല്യൂഷണറി സോഷ്യലീസ്റ്റ് പാര്ട്ടി, മേഘാലയയില് വോയിസ് ഓഫ് ദ പീപ്പിള് പാര്ട്ടി, നാഗലാന്റില് ലോക് ജനശക്തി പാര്ട്ടി, ത്രിപുരയില് തിപ്ര മോത്ത പാര്ട്ടി, ആന്ധ്രപ്രദേശില് ബി.ആര്.എസ് എന്നിവയുടെ സംസ്ഥാന പാര്ട്ടി പദവി നീക്കി.
ഗുജറാത്ത് തിരഞ്ഞെടുപ്പില് ഭരണം നേടാനായില്ലെങ്കിലും 13 ശതമാനം വോട്ടുവിഹിതം നേടാനായതോടെയാണ് ആം ആദ്മി പാര്ട്ടിക്ക് ദേശീയ പാര്ട്ടി എന്ന പദവി ലഭിച്ചത്. അതിന് സഹായിച്ച ഗുജറാത്ത് ജനതയോട് പാര്ട്ടി അധ്യക്ഷന് അരവിന്ദ് കെജ്രവാള് നന്ദി അറിയിച്ചു.
ദേശീയപാര്ട്ടി പദവി ലഭിക്കുന്നത് എങ്ങനെ?
നാല് സംസ്ഥാനങ്ങളില് പ്രാദേശിക പാര്ട്ടി പദവി ലഭിക്കുകയാണ് ദേശീയ പദവി ലഭിക്കാന് ഒരു പാര്ട്ടിക്ക് വേണ്ട പ്രധാന മാനദണ്ഡം. ഈ സംസ്ഥാനങ്ങളിലെ നിയമസഭാ തിരഞ്ഞെടുപ്പുകളില് കുറഞ്ഞത് 6 ശതമാനം വോട്ടും 2 സീറ്റും നേടണം. പേര് പോലെ തന്നെ ദേശീയമായി സാന്നിധ്യമുള്ള ഒരു പാര്ട്ടിയായിരിക്കണം.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI