October 12, 2021
October 12, 2021
മക്ക : മസ്ജിദുൽ ഹറം സന്ദർശിക്കുന്നവർക്ക് സംസം ജലം കുടിക്കാനും, ശേഖരിക്കാനുമുള്ള സൗകര്യങ്ങൾ പുനസ്ഥാപിച്ചു. കോവിഡ് കേസുകൾ അധികമായതോടെ ഇക്കഴിഞ്ഞ മാർച്ചിലാണ് സംസം കണ്ടെയ്നറുകൾ എടുത്തുകളഞ്ഞത്.
ഹറമിന്റെ വിവിധ ഭാഗങ്ങളിലായി ഇരുപതിനായിരത്തോളം കണ്ടെയ്നറുകളാണ് സ്ഥാപിച്ചത്. ഇതോടൊപ്പം, 155 ഇടങ്ങളിൽ കൂടി സംസം കുടിക്കാനുള്ള സൗകര്യം ഏർപ്പെടുത്തുകയും ചെയ്തിട്ടുണ്ട്. കോവിഡ് കേസുകളുടെ എണ്ണത്തിൽ ഗണ്യമായ കുറവ് രേഖപ്പെടുത്തുകയും, വാക്സിനേഷൻ പൂർത്തിയാക്കിയവരുടെ എണ്ണം കൂടുകയും ചെയ്തതോടെയാണ് സംസവുമായി ബന്ധപ്പെട്ട സംവിധാനങ്ങൾ തിരികെ കൊണ്ടുവന്നതെന്ന് ഹറമുകളുടെ സേവനകാര്യ വിഭാഗം പ്രതിനിധി മുഹമ്മദ് മുസ്ലിഹ് അൽജാബിരി അറിയിച്ചു. സംസം വെള്ളത്തിന്റെ സുഗമമായ വിതരണത്തിനും നിരീക്ഷണത്തിനുമായി 126 ജീവനക്കാരാണ് ഹറമിലുള്ളത്.