April 16, 2022
April 16, 2022
ദുബായ് : ലോകത്തിന്റെ വിവിധ ഭാഗങ്ങളിൽ നിന്നുള്ള പ്രതിഭകൾ മാറ്റുരച്ച ദുബായ് അന്താരാഷ്ട്ര ഹോളി ഖുർആൻ അവാർഡ് മത്സരത്തിൽ കോഴിക്കോട് ഈങ്ങാപ്പുഴ സ്വദേശിയായ ഹാഫിള് സൈനുൽ ആബിദിന് ആറാം സ്ഥാനം.
ഈങ്ങാപ്പുഴ വലിയേരിയിൽ അബ്ദുറഹ്മാൻ - സക്കീന ദമ്പതികളുടെ മകനായ സൈനുൽ ആബിദ്, ഇന്ത്യയെ പ്രതിനിധീകരിച്ചാണ് മത്സരത്തിൽ പങ്കെടുത്തത്. ഇന്ന് നടന്ന സമാപന ചടങ്ങിൽ, ഷെയ്ഖ് മൻസൂർ ബിൻ മുഹമ്മദ് ബിൻത് അൽ മക്തൂം ആണ് സമ്മാനദാനം നിർവഹിച്ചത്. നിരവധി ദേശീയ -സംസ്ഥാന ഖുർആൻ പാരായണ മത്സരങ്ങളിൽ വിജയിയായിട്ടുള്ള സൈനുൽ ആബിദ്, മർക്കസ് ജൂനിയർ ശരീഅത്ത് വിദ്യാർത്ഥിയും, കാലിക്കറ്റ് യൂണിവേഴ്സിറ്റി ബി.എ ഇംഗ്ലീഷ് ഒന്നാം വർഷ വിദ്യാർത്ഥിയുമാണ്.
