February 11, 2022
February 11, 2022
ദുബായ് : കടയുടെ ബോർഡിനിടയിൽ ശരീരം കുടുങ്ങിയ ആഫ്രിക്കൻ സ്വദേശിയായ പത്തൊൻപതുകാരനെ പോലീസെത്തി രക്ഷപ്പെടുത്തി. ദെയ്‌റ നായിഫ് പ്രദേശത്താണ് സംഭവം നടന്നത്. ഒന്നാം നിലയിലെ ഫ്ലാറ്റിൽ അന്തേവാസിയായ യുവാവ്, കൂടെ താമസിക്കുന്ന ആളുമായി തർക്കത്തിൽ ഏർപ്പെട്ടു. ദേഷ്യത്തോടെ കുളിമുറിയിലേക്ക് പോയ യുവാവ്, ജനാല വഴി നുഴഞ്ഞിറങ്ങാൻ ശ്രമിക്കുകയായിരുന്നു. നിയന്ത്രണം വിട്ട് താഴേക്ക് പതിച്ച ഇദ്ദേഹം കടയുടെ ബോർഡിനിടയിൽ കുടുങ്ങി. യുവാവിനെ കണ്ട കടയുടമയാണ് പോലീസിൽ വിവരം അറിയിച്ചത്. ഇയാൾക്ക് നേരിയ പരിക്കുകൾ മാത്രമേ ഉള്ളൂ എന്നും, ആശുപത്രിയിലേക്ക് മാറ്റിയിട്ടുണ്ടെന്നും നായിഫ് പോലീസ് വൃത്തങ്ങൾ അറിയിച്ചു.
