October 04, 2021
October 04, 2021
ഷാഹീൻ ചുഴലിക്കാറ്റ് നാശം വിതയ്ക്കുന്ന ഒമാനിൽ ഒരു മൃതദേഹം കൂടെ കണ്ടെടുത്തു. ഇതോടെ ആകെ മരണസംഖ്യ നാലായി. ഒമാൻ സ്വദേശിയെ മരണപ്പെട്ട നിലയിൽ കണ്ടെത്തിയതായി ഒമാൻ ടീവിയാണ് റിപ്പോർട്ട് ചെയ്തത്. റുസൈൽ വ്യവസായ മേഖലയിലെ കെട്ടിടം തകർന്ന് രണ്ട് പേർക്കും, ആമിറാത്ത് വിലായത്തിലെ വെള്ളപ്പാച്ചിലിൽ ഒരു കുട്ടിക്കുമാണ് ഇന്നലെ ജീവൻ നഷ്ടപ്പെട്ടത്. വിവിധ പ്രദേശങ്ങളിൽ ഇപ്പോഴും ശക്തമായ കാറ്റും മഴയും ഉള്ളതിനാൽ യാത്രകൾ ഒഴിവാക്കണമെന്ന് ഒമാൻ റോയൽ പോലീസ് ആവശ്യപ്പെട്ടു. താഴ്ന്ന പലപ്രദേശങ്ങളിലും വെള്ളം കയറിയതോടെ നിരവധി പേരെ സുരക്ഷിത സ്ഥാനത്തേക്ക് മാറ്റി പാർപ്പിച്ചിട്ടുണ്ട്.
