May 30, 2023
May 30, 2023
ന്യൂസ്റൂം ബ്യുറോ
ന്യൂഡല്ഹി: അനുകൂല നിലപാട് ഉണ്ടായില്ലെങ്കില് രാജ്യത്തിന് വേണ്ടി നേടിയ മെഡലുകള് ഗംഗയില് എറിയുമെന്ന് ഗുസ്തി താരങ്ങള്.ഹരിദ്വാറില് വൈകീട്ട് ആറിന് മെഡലുകള് ഗംഗയില് ഒഴുക്കുമെന്ന് ബംജ്രംഗ് പൂനിയ അറിയിച്ചു.
ആത്മാഭിമാനം പണയം വെച്ചു ജീവിക്കാനാവില്ല. ഈ മെഡലുകള് തങ്ങളുടെ ജീവനും ആത്മാവുമാണ്. തങ്ങളെ സംബന്ധിച്ച് മെഡലുകള് ഗംഗയെപ്പോലെ പരിശുദ്ധമാണ്. എന്നാല് ഇപ്പോള് മെഡലുകള്ക്ക് വിലയില്ലാതായിയെന്ന് താരങ്ങള് പറഞ്ഞു.
ഇന്ത്യാഗേറ്റില് നിരാഹാര സമരം ആരംഭിക്കുമെന്നും ഗുസ്തി താരങ്ങള് അറിയിച്ചു. ഇന്നലെ നടന്ന സംഘര്ഷങ്ങള്ക്ക് പിന്നാലെ ഗുസ്തി താരങ്ങളുടെ സമരവേദി ദില്ലി പൊലീസ് പൂര്ണ്ണമായും പൊളിച്ചുമാറ്റിയിരുന്നു. എന്നാല് ഇതുകൊണ്ടൊന്നും പിന്മാറില്ലെന്നും, സമരം ശക്തമാക്കുമെന്നുമാണ് താരങ്ങള് അറിയിച്ചിട്ടുള്ളത്.
ഏറ്റവും പുതിയ വാർത്തകളും തൊഴിൽ സാധ്യതകളും അറിയാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/EbsrZk47eaBENKOhwtWeGf