July 09, 2020
July 09, 2020
ദുബായ് : കൊവിഡ് 19 കണ്ടെത്തുന്നതിന് യുഎഇ പ്രത്യേകം പരിശീലനം ലഭിച്ച പട്ടികളെ രംഗത്തിറക്കുന്നു. ആഭ്യന്തര മന്ത്രാലയമാണ് ഇക്കാര്യം അറിയിച്ചത്. കോവിഡ് രോഗ ബാധ കണ്ടെത്താന് ഇത്തരം നായകള്ക്ക് എളുപ്പം സാധിക്കുമെന്ന കണ്ടെത്തലിനെ തുടര്ന്നാണ് നടപടി..ഇതിനായി പരിശീലനം പൂർത്തിയാക്കിയ കെ-9 പോലീസ് നായകളെ ഉപയോഗപ്പെടുത്തുമെന്നും ആഭ്യന്തര മന്ത്രാലയം വ്യക്തമാക്കി.
വിമാനത്താവളങ്ങളിലും ജനക്കൂട്ടമുണ്ടാകുന്ന മറ്റു സ്ഥലങ്ങളിലും കോവിഡ് കേസുകള് പെട്ടെന്ന് കണ്ടെത്താന് നായകള്ക്ക് സാധിക്കുമെന്നാണ് പ്രതീക്ഷിക്കുന്നത്. കൊവിഡ് 19 പരിശോധിക്കാനെത്തുന്നവരുടെ സ്രവം പ്രത്യേകം തയ്യാറാക്കിയ ഉപകരണത്തിന്റെ പിന് വശത്ത് സ്ഥാപിക്കും. തുടര്ന്ന് നായ്ക്കളെ മുന് വശത്ത് മണം പിടിപ്പിക്കുന്നതാണ് രീതി. കൊവിഡ് 19 കണ്ടെത്താന് ലണ്ടനിലും മറ്റും ഈരീതിയില് പരിശോധന നടത്തിയിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക