December 22, 2020
December 22, 2020
ദുബായ് : അറേബ്യൻ ഗൾഫിലെ രാഷ്ട്രീയവും സാമൂഹികവുമായ കാലാവസ്ഥ നിലവിലെ ഗൾഫ് പ്രതിസന്ധി അവസാനിപ്പിക്കുന്നതിലേക്കാണ് നയിക്കുന്നതെന്ന് യുഎഇ വിദേശകാര്യ സഹമന്ത്രി അൻവർ ഗാർഗാഷ് പ്രതികരിച്ചു.
ഖത്തറുമായുള്ള സംഘർഷം അവസാനിപ്പിക്കാനുള്ള ശ്രമങ്ങളെ പിന്തുണക്കുന്നുണ്ട്,എന്നാൽ ഖത്തറിലെ മാധ്യമങ്ങൾ ശ്രമത്തെ ദുർബലപ്പെടുത്തുകയാണെന്നും അദ്ദേഹം ട്വീറ്റ് ചെയ്തു.
മേഖലയുടെ നന്മ ലക്ഷ്യമാക്കി രൂപപ്പെടുത്തുന്ന ഏതൊരു കരാറിനോടും ദോഹയുടെ പ്രതിബദ്ധത ഉറപ്പുവരുത്തുന്നതിനുള്ള മികച്ച മാർഗം തേടുകയാണെന്നും അദ്ദേഹം വ്യക്തമാക്കി.വിചിത്രവും വിശദീകരിക്കാൻ ബുദ്ധിമുട്ടുള്ളതുമായ ഒരു പ്രതിഭാസമാണ് ഇതെന്ന് സൂചിപ്പിച്ചു കൊണ്ടാണ് അദ്ദേഹം ട്വീറ്റ് അവസാനിപ്പിക്കുന്നത്.
ജനുവരി അഞ്ചിന് റിയാദിൽ നടക്കാനിരിക്കുന്ന ഗൾഫ് ഉച്ചകോടിയിൽ ഗൾഫ് പ്രതിസന്ധി പരിഹരിക്കുന്നതിനുള്ള അന്തിമ പ്രഖ്യാപനമുണ്ടാകുമെന്നാണ് പ്രതീക്ഷിക്കുന്നത്.
TELEGRAM
FACEBOOK PAGE
https://www.facebook.com/newsroomme
00974 66200167
