March 15, 2019
March 15, 2019
അബുദാബി : സ്പെഷ്യല് ഒളിംപിക്സ് വേള്ഡ് ഗെയിംസിന് അബുദാബി സായിദ് സ്പോര്ട്സ് സിറ്റിയില് തുടക്കമായി.. സ്പെഷല് ഒളിംപിക്സുകളുടെ 50 വര്ഷ ചരിത്രത്തില് ഇതാദ്യമായാണ് 195 ഓളം രാജ്യങ്ങള് പങ്കെടുക്കുന്നത്. ഇന്ത്യയില് നിന്ന് നൂറുകണക്കിന് കായിക താരങ്ങളും പ്രതീക്ഷയോടെ ഒളിമ്പിക്സിൽ പങ്കെടുക്കുന്നുണ്ട്.
ഓരോ രാജ്യത്തിന്റെയും കായിക താരങ്ങള് ചുവടു വെച്ചപ്പോള് തിങ്ങി നിറഞ്ഞ സ്റ്റേഡിയം വന് കരഘോഷത്തോടെയാണ് അതിനെ എതിരേറ്റത്. ഇന്ത്യന് സംഘാംഗങ്ങള്ക്കു മുന്നിലായി യുഎഇയിലെ സ്ഥാനപതി നവ്ദിപ് സിങ് സൂരിയും സന്നിഹിതനായിരുന്നു. ഇന്ത്യ ഉള്പ്പെടെ 195 രാജ്യങ്ങളില്നിന്നുള്ള മത്സരാര്ത്ഥികളും അവര്ക്കൊപ്പം നിരീക്ഷകരായി 5 രാജ്യക്കാരുമാണ് മേളയില് പങ്കെടുക്കുന്നത്.
അബുദാബി, ദുബൈ എന്നിവിടങ്ങളിലായി 9 വേദികളിലായാണ് മത്സരം നടക്കുന്നത്.
അബുദാബി കിരീടാവകാശിയും യുഎഇ സായുധസേനാ ഉപ സര്വ സൈന്യാധിപനുമായ ശൈഖ് മുഹമ്മദ് ബിന് സായിദ് അല് നഹ്യാന്റെ രക്ഷാകര്തൃത്വത്തിലാണ് സ്പെഷ്യല് ഒളിമ്ബിക്സ് നടക്കുന്നത്.യുഎഇയാണ് ഏറ്റവും കൂടുതല് മത്സരാര്ത്ഥികളെ പങ്കെടുപ്പിക്കുന്നത്.