July 04, 2021
July 04, 2021
റിയാദ്:സഊദി അറേബ്യന്‍ സാംസ്‌കാരിക മന്ത്രാലയത്തിന് കീഴില്‍ സംഘടിപ്പിച്ച ഏഴാമത് സഊദി ചലച്ചിത്രമേള ഏഴിന് സമാപിക്കും.
അസോസിയേഷന്‍ ഓഫ് കള്‍ച്ചറല്‍ ആന്‍ഡ് ആര്‍ട്‌സ്, കിങ് അബ്ദുല്‍ അസീസ് സെന്റര്‍ ഫോര്‍ വേള്‍ഡ് കള്‍ച്ചര്‍ (ഇത്ര)യുടെ സഹകരണത്തോടെ ദമാമിലാണ് മേള നടക്കുന്നത്. ജൂലൈ ഒന്നിനാണ് മേള ആരംഭിച്ചത്. ഏഴുദിവസം നീണ്ടുനില്‍ക്കും. സഊദിയിലേയും വിവധ രാജ്യങ്ങളിലേയും പ്രമുഖ ചലച്ചിത്ര പ്രവര്‍ത്തകരുടെ സാന്നിധ്യത്തിലാണ് മേള ഉദ്ഘാടനം ചെയ്തത്. സൗദിയില്‍ നിന്നുള്ള 36 ചിത്രങ്ങളും വിവിധ അറബ് രാജ്യങ്ങളില്‍നിന്നുള്ള 21 ചിത്രങ്ങളും മേളയില്‍ പ്രദര്‍ശിപ്പിക്കുന്നുണ്ട്. ഉദ്ഘാടന ചടങ്ങിന്റെ ഭാഗമായി അന്താരാഷ്ട്ര അവാര്‍ഡുകള്‍ നേടിയ ചലച്ചിത്ര എഴുത്തുകാരനും നിരൂപകനുമായ മാമൂണ്‍ ഹസ്സനെയും ബഹ്റൈന്‍ സംവിധായകനും നിര്‍മാതാവുമായ ബള്‍ഫ് അല്‍ തവാദിയേയും ആദരിച്ചു.
