September 19, 2019
September 19, 2019
ഷാര്ജ : ഷാർജയിലെ അൽ നഹ്ദയിൽ നിര്ത്തിയിട്ടിരുന്ന രണ്ട് ബസുകൾക്ക് തീപിടിച്ചു.ഷാര്ജ അല് നഹ്ദ പാര്ക്കിനടുത്ത്,കെട്ടിട നിര്മാണ സ്ഥലത്തേയ്ക്ക് തൊഴിലാളികളെ കൊണ്ടുവന്ന രണ്ടു ബസ്സുകൾക്കാണ് തീപിടിച്ചത്. ഇന്ന് രാവിലെ പ്രാദേശിക സമയം 8.24 ന് സ്ഥലവാസികൾ ആരോ ആണ് ബസുകൾക്ക് തീപിടിച്ച വിവരം സിവിൽ ഡിഫൻസ് ആസ്ഥാനത്ത് വിളിച്ചറിയിച്ചത്.അഗ്നിശമന സേനാ വിഭാഗം ഉടൻ സ്ഥലത്തെത്തി തീയണച്ചതിനാൽ വന് ദുരന്തം ഒഴിവായി.
അപകട സമയത്ത് ബസുകളില് ആരും ഇല്ലാത്തതിനാല് ആർക്കും പരിക്കേറ്റിട്ടില്ല.അഗ്നിശമന സേനയും സിവില് ഡിഫന്സും ചേര്ന്ന് തീ നിയന്ത്രണ വിധേയമാക്കിയതിനാല് തൊട്ടടുത്ത് നിര്ത്തിയിട്ടിരുന്ന മറ്റു വാഹനങ്ങൾക്ക് കേടുപാട് സംഭവിച്ചില്ല. ബസുകള് ഭാഗികമായി കത്തി നശിച്ചു. തീപിടിത്തത്തിന്റെ കാരണം വ്യക്തമല്ല.