October 04, 2021
October 04, 2021
മസ്കത്ത് : ഷാഹീൻ ചുഴലിക്കാറ്റ് കടലിൽ നിന്നും കരയിലേക്ക് കടന്നതോടെ ഒമാന്റെ പലഭാഗത്തും നാശനഷ്ടങ്ങളും മരണങ്ങളും റിപ്പോർട്ട് ചെയ്തു. അൽ മുസനയ്ക്കും അൽ സുവൈക്കിനും ഇടയിലുള്ള പ്രദേശത്താണ് 'ഷാഹീൻ' ഉഗ്രരൂപം പൂണ്ട് ആഞ്ഞടിച്ചത്. ഈ പ്രദേശങ്ങളിൽ കനത്ത മഴയ്ക്കൊപ്പം 120 മുതൽ 150 വരെ കിലോമീറ്റർ സ്പീഡിലാണ് കാറ്റ് വീശിയത്.
കനത്ത മഴയെ തുടർന്ന് ഒരു കുട്ടി അടക്കം മൂന്ന് പേർക്കാണ് ഒമാനിൽ ഇതുവരെ ജീവൻ നഷ്ടപ്പെട്ടത്. അൽ ബാത്തിന, മസ്കറ്റ്, അൽ ദാഹിറ, അൽ ബുറൈമി, അൽ ദഖ്ലിയ, അൽ ശർഖിയ തുടങ്ങിയ പ്രദേശങ്ങളിൽ 200 മുതൽ അഞ്ഞൂറ് മില്ലി വരെ മഴയാണ് ഞൊടിയിട കൊണ്ട് പെയ്തത്. കാറ്റ് കരയിലേക്ക് കടന്നെങ്കിലും, കടൽ തീരത്തും ജാഗ്രത വേണമെന്ന് അധികൃതർ അറിയിച്ചു. തിരമാലകൾക്ക് എട്ട് മീറ്റർ മുതൽ പന്ത്രണ്ട് മീറ്റർ വരെ ഉയരമുണ്ടായേക്കാം. വരും ദിവസങ്ങളിൽ കാറ്റിന്റെ ശക്തി കുറയുമെന്നാണ് പ്രതീക്ഷിക്കുന്നത്.