March 19, 2021
March 19, 2021
റിയാദ്: 'മാതാവിന്റെ കാല്ച്ചുവട്ടിലാണ് സ്വര്ഗം' - പ്രവാചകന് മുഹമ്മദ് നബിയുടെ വചനങ്ങളില് ഏറ്റവും പ്രധാനപ്പെട്ട ഒന്നാണ് ഇത്. ജന്മം നല്കിയ മാതാവിന് നമ്മള് നല്കേണ്ട പ്രാധാന്യത്തെ ഉയര്ത്തിക്കാണിക്കുന്ന വചനമാണ് ഇത്. സ്വന്തം മാതാപിതാക്കളെ ഒന്ന് നോക്കാന് പോലും നേരമില്ലാത്ത മക്കളാണ് ഇന്നത്തെ തിരക്കു പിടിച്ച ലോകത്തുള്ളത്.
അങ്ങനെയുള്ള മക്കളില് നിന്ന് വ്യത്യസ്തനായ ഒരു സൈനികന്റെ വീഡിയോ ഇപ്പോള് സോഷ്യല് മീഡിയയില് വൈറലായിരിക്കുകയാണ്. സൗദി അറേബ്യന് സൈനികനാണ് വീഡിയോ വൈറലായതോടെ ലോകത്തിന്റെ കയ്യടികളേറ്റു വാങ്ങിയത്.
ദീര്ഘനാളത്തെ സൈനികസേവനത്തിനു ശേഷമുള്ള ഇടവേളയില് സ്വന്തം ഉമ്മയെ കാണാനായി ഓടി വരുന്ന സൗദി സൈനികനാണ് വീഡിയോയിലുള്ളത്. തന്റെ ഉമ്മയ്ക്കരികിലേക്ക് ഓടിയെത്തിയ സൈനികന് അവര്ക്ക് ഒരു സല്യൂട്ട് നല്കുന്നു.
തുടര്ന്ന് അത്രയും കാലം അടക്കി വച്ച തന്റെ ഉമ്മയോടുള്ള സ്നേഹം മുഴുവന് ആ സൈനികന് ഉമ്മയെ ആലിംഗനം ചെയ്തുകൊണ്ട് പ്രകടിപ്പിക്കുന്നത് വീഡിയോയില് കാണാം. എന്നാല് ഇത് കഴിഞ്ഞ് സൈനികന് ചെയ്ത പ്രവൃത്തിയാണ് കാഴ്ചക്കാരുടെ ഹൃദയത്തെ സ്പര്ശിച്ചത്. ആലിംഗനത്തിന് ശേഷം തന്റെ ഉമ്മയുടെ കാല്പ്പാദങ്ങളില് അദ്ദേഹം ചുംബിച്ചു.
തന്റെ ഉമ്മയെ ഇത്രയധികം സ്നേഹിക്കുന്ന സൈനികനെ അഭിനന്ദിച്ചുകൊണ്ട് നിരവധി പേരാണ് വീഡിയോയ്ക്ക് ചുവടെ കമന്റുകള് എഴുതിയത്. ഇന്നത്തെ യുവതലമുറയ്ക്ക് കണ്ടു പഠിക്കാനുള്ള മാതൃകയാണ് ഈ സൈനികനെന്നാണ് ഭൂരിഭാഗം പേരും കമന്റ് ചെയ്തത്. നിരവധി പേരാണ് വീഡിയോ ഷെയര് ചെയ്തത്.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.