November 13, 2021
November 13, 2021
റിയാദ് : വിവിധമേഖലകളിൽ കഴിവുതെളിയിച്ച പ്രഗത്ഭരായ വിദേശികൾക്ക് പൗരത്വം നൽകാനുള്ള നീക്കവുമായി സൗദി. ഭരണാധികാരി ഇതിനുള്ള അനുമതി നൽകിയതായി പ്രാദേശിക പത്രങ്ങൾ റിപ്പോർട്ട് ചെയ്തു. വിഷൻ 2030 യുടെ ഭാഗമായി മികച്ച പ്രൊഫഷണലുകളെ രാജ്യത്തേക്ക് ആകർഷിക്കാനാണ് ഇതിലൂടെ പദ്ധതിയിടുന്നത്.
ആരോഗ്യം, നിയമം, സാങ്കേതികവിദ്യ, ശാസ്ത്രം തുടങ്ങിയ മേഖലകളിൽ നിന്നുള്ള അന്താരാഷ്ട്ര പ്രൊഫഷനലുകൾക്കാണ് പൗരത്വം ലഭിക്കുക. സംസ്‌കാരിക, കായിക രംഗത്ത് മികവ് തെളിയിച്ചവർക്കും അവസരമുണ്ട്. സൗദിയുടെ പുരോഗതിയിലേക്ക് സംഭാവന ചെയ്യുന്ന വിദേശികൾക്ക് പ്രീമിയം ഇഖാമ നൽകുന്ന പദ്ധതി ആരംഭിച്ചതിന് പിന്നാലെയാണ് പൗരത്വം നൽകാനുള്ള തീരുമാനവും വന്നത്. രാജ്യത്തിന്റെ വിദേശനിക്ഷേപത്തിൽ ഇതോടെ കുതിച്ചുചാട്ടമുണ്ടാവുമെന്നാണ് കരുതപ്പെടുന്നത്
